HHIV respýblıkalyq Abaı oqýlary bastaldy

SEMEI. QazAqparat – Búgin Abaı oblysynda HHIV respýblıkalyq Abaı oqýlary bastaldy. Bul týraly Oqý-aǵartý mınıstrliginiń baspasóz qyzmetinen málim etti, dep habarlaıdy QazAqparat.

Abaı men Shákárim keseneleriniń murajaı-kesheni bazasynda elimizdiń barlyq óńirinen 130-dan astam oqýshy jınaldy.

Jarysqa qatysýshylar «Óleń – sózdiń patshasy, sóz sarasy», «Abaıdyń qara sózderi», «Abaıdyń aqyn shákirtteriniń shyǵarmalary», «Kóńilimdi uǵady», «Júırik on júırik ozar jarysqanda», «Uly» atty alty nomınatsııa boıynsha baq synaıdy.

Basty shart – oqýshylar aqyndardyń barlyq shyǵarmalaryn jatqa bilýi qajet.
«Aıta ketsek, qazylar alqasy qatysýshylardyń Abaıdyń qarasózderin tolyq bilýi, Shákerim Qudaıberdiuly, Aqylbaı jáne Maǵaýııa Abaıuldarynyń shyǵarmalaryn jatqa oqýyn baǵalaıdy. Sondaı-aq aqyndardyń rýhanı bolmysyna esse jazý, shyǵarma mátinderin mánerlep aıtý, tolyq bilýi boıynsha birneshe krıterıı qoldanylady», - delingen mınıstrlik málimetinde.
Abaı oqýlarynyń jeńimpazdary men júldegerleri Oqý-aǵartý mınıstrliginiń І, ІІ, ІІІ dárejeli dıplomdarymen, medaldarymen jáne gramotalarymen, sonymen qatar estelik syılyqtarymen marapattalady.

Abaı Qunanbaevqa arnalǵan shyǵarmashylyq baıqaý úsh kúnge sozylady. Saltanatty marapattaý rásimi 10 tamyzda Jıdebaıda «Abaı-Shákárim» memorıaldyq kesheniniń bazasynda ótedi.