HHІ ǵasyrdyń ekinshi onjyldyǵynda Assambleıa mıssııasy keńeıe túsedi - M. Tájın
«Eger qysqasha aıtsaq, Assambleıany ulttar múddelerine ókildik etetin jalpyulttyq saıası emes organ dep ataýǵa keledi. Bul rette Elbasy qoǵamdyq kelisimdi polıetnıkalyq halyqtar birliginiń, memlekettiń, azamattyq qoǵam ınstıtýtynyń, saıası partııalar men dinı konfessııalardyń ómirindegi eń negizgi tutqa retinde aıqyndaǵan bolatyn», - dedi M. Tájın. Sonymen qatar, Elbasy tarapynan «Nur Otan» partııasynyń doktrınasy qabyldanǵan jıynda bergen tapsyrmalaryna toqtala kele, Memlekettik hatshy Assambleıa Prezıdent aıqyndaǵan baǵdardy júzege asyrýda basty ról atqaratynyn atap ótti.
«Partııa doktrınasy boıynsha Prezıdent tapsyrmasynda Qazaqstan halqy Assambleıasy men «Nur Otannyń» birlesken ózara is-qımyldary da aıqyn kórsetilgen. Sondyqtan da, damý kezeńiniń jańa satysynda QHA barlyq músheleriniń, onyń ishinde etnomádenı birlestikterdiń Elbasy belgilegen mindetterdi sheshýge jumylýy mańyzdy. Osyǵan baılanysty Assambleıa qoldaýymen barlyq óńirlerde qoǵamdyq keńester quryldy. Bul keńester aıasynda azamattyq qoǵamdy ıntegratsııalaý qajet. Meniń oıymsha, bul keńesterdi óńir ákimderi ózderi basqarýy jáne sol baǵyttaǵy jumystardy durys jolǵa qoıýlary kerek. Bul rette keńesterdiń qyzmetindegi mańyzdy fýnktsııalardyń biri óńirlik deńgeıdiń barlyq salalarynda medıatsııa ınstıtýtyn jan-jaqty damytý jáne osy úderiske úkimettik emes uıymdardy jan-jaqty tartý bolyp tabylady», - dedi M. Tájın.