HǴS ekspedıtsııasynyń kemesi Qazaqstanǵa qonyp, sátti evakýatsııalandy
«Soıýz» kemesiniń qonýy qalypty jaǵdaıda ótti. Aýa raıy ashyq bolyp, qutqarýshylar jumystaryn oıdaǵydaı atqardy. Barlyq adamdar áli kúnge deıin keme qonǵan jerde jumys júrgizýde. Ǵaryshkerler syrtqa shyǵarylyp, alǵashqy medıtsınalyq tekserýden ótip jatyr», - dedi TASS agenttigine izdeý-qutqarý jasaǵynyń bastyǵy Georgıı Melehov.
G.Melehovtyń málimdeýinshe, eki ǵaryshker - amerıkalyq Skott Kellı men reseılik Mıhaıl Kornıenko - josparlanǵandaı kapsýladan óz erikterimen shyǵa almady. Olardy syrtqa qutqarýshylar alyp shyqty. Ǵaryshkerlerdi Jezqazǵan qalasynyń áýejaıynda qarsy alýǵa ázirlenýde.
Ekspedıtsııa HǴS-da eń uzaq jumys istegen merzimniń biri boldy. Kornıenko men Kellı stanasada 340 táýligin ótkizdi. Ǵaryshta eń uzaq bolyp, rekord ornatqan ǵaryshker reseılik Valerıı Polıakov. Ol 90-shy jyldardyń ortasynda «Mır» stansasynyń bortynda 437 kún bolǵan.
HǴS-ǵa kezekti ekspedıtsııaǵa ushyrylym 19 naýryzda bolady. Onyń quramynda reseılik ǵaryshkerler Alekseı Ovchının men Oleg Skrıpochka, sondaı-aq NASA astronavty Djeffrı Ýılıams bar.