HǴS ekıpajy «Soıýz» kemesindegi tesikti bekitti

MÁSKEÝ. QazAqparat - Halyqaralyq ǵarysh stansasynyń ekıpajy (HǴS) «Soıýz MS-09» áýe kemesiniń tesilgen jerine júrgizilgen jóndeý jumystaryn aıaqtady. Bul týraly dúısenbi kúni TASS zymyran-ǵarysh salasyndaǵy derekkózge silteme jasap habarlady.

«Soıýz MS-09» kemesindegi jóndeý jumystarynyń barlyǵy aıaqtaldy. HǴS ekıpajy qazir ádettegi kestemen jumys istep jatyr. Endi tek qysymdy baqylap otyrý qajet», - dedi agenttiktiń derekkózi.

27 tamyzǵa qaraǵan túni HǴS bortyna aýa kirip, qysym tómendegen edi. Keıin bul oqıǵanyń «Soıýz» kemesi bortynda eki mıllımetr tesik saldarynan bolǵany anyqtaldy.

Sol kúni keshkisin reseılik ǵaryshkerler tesikti germetıkamen bekitip, stansa bortyndaǵy qysymdy qalpyna keltirgen. Osyǵan baılanysty Ushýdy basqarý ortalyǵy jumysty 28 tamyz kúni tańǵa deıin toqtatýdy uıǵardy. Kelesi kúni onyń ústin taǵy bir qabat germetıkamen japqan.

Foto: NASA