«Hezbollanyń» jańa basshysy AQSh-taǵy saılaýǵa qatysty pikir bildirdi

<p>ASTANA. KAZINFORM &mdash; Búgin &laquo;Hezbolla&raquo; qozǵalysynyń burynǵy basshysy Hasan Nasrallanyń qaıtys bolǵanyna 40 kún boldy. Onyń jańa jetekshisi Naım Kasem estelik sóz sóıledi. Onda ol top janjaldy dıplomatııalyq jolmen sheshýge senbeıtinin jáne AQSh-taǵy prezıdent saılaýynyń nátıjelerine mán bermeıtinin aıtty, dep habarlaıdy <a href="https://www.skynewsarabia.com/middle-east/1753119-%D9%86%D8%B9%D9%8A%D9%85-%D9%82%D8%A7%D8%B3%D9%85-%D8%A7%D9%84%D8%A7%D9%86%D8%AA%D8%AE%D8%A7%D8%A8%D8%A7%D8%AA-%D8%A7%D9%84%D8%A7%D9%94%D9%85%D9%8A%D8%B1%D9%83%D9%8A%D8%A9-%D8%A8%D9%84%D8%A7-%D9%82%D9%8A%D9%85%D8%A9" target="_blank" rel="noopener">Sky news arabia.&nbsp;</a></p>

«Amerıkadaǵy saılaýda Kamala Harrıs, álde Donald Tramp pa, qaısysy jeńiske jetse de, biz úshin ol mańyzdy emes», — dedi Naım Qasem.

Ol sondaı-aq bul (AQSh-taǵy saılaý — red.) jalpy saıası baǵytqa áser etpeıtinin jáne Izraıl premer-mınıstri Bınıamın Netanıahýdy toqtatpaıtynyn atap ótti.

«Biz óz úmitimizdi saıası oqıǵalarmen baılanystyrmaımyz. «Hezbolla» «jaý agressııany toqtatqannan» keıin ǵana atysty toqtatý kelissózderin bastaýǵa daıyn bolady», — dedi Kasem.

Ol «Hezbollanyń» jaýǵa qarsy turý úshin daıyndalǵan on myńdaǵan jaýyngeri bar ekenin qosyp ótti.

«Eger jaý tozdyratyn soǵysqa stavka jasasa, qansha ýaqyt qajet bolsa da, biz qatysamyz», — dedi Naım Kasem.

Buǵan deıin Taıaý Shyǵys óńirindegi shıelenistiń kúsheıýine baılanysty Prezıdent Qasym-Jomart Toqaevtyń tapsyrmasy boıynsha Qazaqstannyń tıisti memlekettik organdardyń qatysýymen Lıvannan Qazaqstan azamattaryn jáne olardyń otbasy múshelerin elge evakýatsııalaý sharalary júzege asyryldy.