«Hezbollaǵa» Izraıldiń Lıvanda áskerı operatsııa bastaıtyny jaıynda eskertildi — BAQ

<p>ASTANA. KAZINFORM &mdash; Senbi kúni Lıvannyń LBCI arnasy arab elderiniń biri &laquo;Hezbollaǵa&raquo; Tel-Avıvtiń Lıvanda aýqymdy operatsııa bastaıtynyn eskertkenin habarlady, dep jazdy arabtyń &laquo;<a href="https://nabd.com/s/131898631-8110fc/%D8%A5%D8%B9%D9%84%D8%A7%D9%85-%D9%84%D8%A8%D9%86%D8%A7%D9%86%D9%8A-%D8%AF%D9%88%D9%84%D8%A9-%D8%B9%D8%B1%D8%A8%D9%8A%D8%A9-%D8%AD%D8%B0%D8%B1%D8%AA-%D8%AD%D8%B2%D8%A8-%D8%A7%D9%84%D9%84%D9%87-%D9%85%D9%86-%D8%A3%D9%86-%D8%A5%D8%B3%D8%B1%D8%A7%D8%A6%D9%8A%D9%84-%D8%B3%D8%AA%D8%B4%D9%86-%D8%B9%D9%85%D9%84%D9%8A%D8%A9-%D9%83%D8%A8%D9%8A%D8%B1%D8%A9-%D8%A8%D8%B9%D9%85%D9%82-%D9%84%D8%A8%D9%86%D8%A7%D9%86.-%D9%84" target="_blank" rel="noopener">Nabd</a>&raquo; jańalyqtar platformasy.</p>

Bul jańalyq Lıvan BAQ-tarynda Izraıldiń «Kan» resmı telearnasynyń Lıvandaǵy batys ókiline siltememen soltústik maıdanda (Izraılmen shekarada — red.) bitimge kelý áreketterinde ilgerileý joq degen habar taraǵan soń paıda boldy.

Izraıldiń baıandamasyna sáıkes, lıvandyq tarap úshin «qazirgi ýaqytta kelisimniń kilti Beırýtte emes, Gazada, ıaǵnı sol jerde soǵysty toqtatýda».

Izraıldiń radıohabar taratatyn korporatsııasy eki apta buryn nemis barlaý qyzmeti basshysynyń orynbasary Ole Dıldiń Beırýtte «Hezbolla» bas hatshysynyń orynbasary Naım Kasemmen kezdesýi týraly habarlap, «kezekten tys kezdesý eshqandaı mańyzdy nátıje bermedi, al nemis tarapy „Hezbollany“ Lıvan maıdanyn Gaza maıdanynan bólýge kóndire almaǵanyn» atap ótti.

Kasem kezdesýde Gazadaǵy soǵys aıaqtalǵanǵa deıin Lıvan maıdanynda retteý týraly qandaı da bir ıdeıa aıtýdan bas tartyp, nemis sheneýnigin Izraıldiń shabýyldy toqtatýy úshin oǵan qysym kórsetýge shaqyrdy.

Lıvannyń ońtústigindegi shekaralyq aımaqtarda qaýipsizdik jaǵynan shıelenis ornaǵan. Izraıl armııasy men «Hezbolla» arasyndaǵy qaqtyǵystar men zymyrandyq shabýyldar HAMAS 2023 jylǵy 7 qazanda «Ál-Aqsa tasqyny» operatsııasyn bastap, Izraıl Gazaǵa soǵys jarııalaǵaly beri bolyp jatyr. «Hezbollanyń» Bas hatshysy «Lıvan maıdany — Gaza sektoryn qoldaıtyn maıdan» dep jarııalady.

Izraıl armııasy aımaqtaǵy jaǵdaıdyń shıelenisýine baılanysty jaýyngerlik ázirlikti arttyrý sharalary aıasynda Lıvanmen shekarada qarqyndy oqý-jattyǵýlar ótkizetinin jarııalady.