«Hezbolla» óz jetekshisi Hasan Nasrallanyń qaza bolǵanyn rastady

<p>ASTANA. KAZINFORM &ndash; &laquo;Hezbolla&raquo; qozǵalysy óz jetekshisi Hasan Nasrallanyń óltirilgenin rastady. Bul týraly Al Jazeera atalǵan qozǵalystyń málimdemesine silteme jasaı otyryp <a href="https://www.aljazeera.com/news/liveblog/2024/9/28/israel-attacks-lebanon-deaths-mount-as-beirut-buildings-bombed-to" target="_blank" rel="noopener">habarlaıdy</a>.</p>

Lıvannyń radıkaldy shııtter qozǵalysy «Hezbolla» óziniń jetekshisi Hasan Nasrallanyń Izraıldiń Beırýtqa jasaǵan soqqysynan qaıtys bolǵanyn rastady. 

Buǵan deıin BBC-ge silteme jasap, Izraıl armııasy «Hezbolla» jetekshisi Hasan Nasrallanyń óltirilgenin málimdegenin jazǵan bolatynbyz.

TsAHAL málimdemesinde bir kún buryn Izraıl áýe kúshteriniń jaýyngerleri Beırýttyń Dahıa aýdanyndaǵy turǵyn úıdiń astynda ornalasqan «Hezbollanyń» ortalyq shtab-páterine soqqy bergeni aıtylǵan. Soqqy toptyń joǵary qolbasshylyǵy shtabta bolǵan kezde jasaldy.

Odan bólek, Izraıldiń «Hezbolla» shtabyna soqqysynan soń Iran Ulttyq qaýipsizdik keńesiniń shuǵyl otyrysyn shaqyrǵanyn jazǵan edik.