Haınanda Boao Azııa forýmy ótip jatyr

<p>HAINANЬ. KAZINFORM &ndash; Qytaıdyń ońtústigindegi Haınan provıntsııasynda &laquo;Azııa jáne álem: ortaq mindetter, ortaq jaýapkershilik&raquo; uranymen Boao Azııa forýmy (BAF) bastaldy.</p>

Dástúr boıynsha BAF baspasóz konferentsııasymen ashylady, onda uıymdastyrýshylar Azııa aımaǵyndaǵy áleýmettik-ekonomıkalyq jaǵdaı týraly baıandamalar jasaıdy dep kútilýde.

Forým tórt kún boıy ótedi, onyń barysynda 50-ge jýyq is-shara uıymdastyrylady. BAF-tyń ashylý saltanaty 28 naýryzǵa josparlanǵan, oǵan QHR Parlamentiniń spıkeri Chjao Letszı, shet memleketterdiń jetekshileri men iri halyqaralyq uıymdardyń basshylary qatysady.

BAF alańynda 5 myńǵa jýyq adam, onyń ishinde 1 myńnan astam jýrnalıst jınalady.

Forýmǵa qatysýshylardyń qatarynda BUU-nyń burynǵy Bas hatshysy Pan Gı Mýn, Shanhaı Yntymaqtastyq Uıymynyń Bas hatshysy Chjan Mın, Azııadaǵy ózara is-qımyl jáne senim sharalary jónindegi keńestiń bas hatshysy Qaırat Sarybaı, Ońtústik-Shyǵys Azııa memleketteri qaýymdastyǵynyń Bas hatshysy Kao Kım Horn, EYDU Bas hatshysy Matıas Kormann, Azııa ınfraqurylymdyq ınvestıtsııalar bankiniń prezıdenti Tszın Lıtsıýn bar.