Haınan aralynda «Tramı» taıfýny saldarynan jeti adam kóz jumdy

<p>BEIJІŃ. KAZINFORM &ndash; Qytaıdyń ońtústigindegi Haınan provıntsııasynda coqqan &laquo;Tramı&raquo; taıfýny saldarynan 40 myńnan astam adam evakýatsııalandy. Bul týraly jergilikti tótenshe jaǵdaılar departamenti habarlady, dep jazdy Kazinform <a href="https://www.inform.kz/ru/sem-chelovek-pogibli-na-ostrove-haynan-v-rezultate-tayfuna-trami-06f3f9" target="_blank" rel="noopener">menshikti</a> tilshisi.</p>

Dúısenbiden beri Haınan aralynyń kóptegen aýdandarynda bıyl 20-shy ret soqqan «Tramı» taıfýny sebep bolǵan qatty nóser jaýyp jatyr. Eń kóp zardap shekken Tsıýnhaı qalasynda bılik 1-shi deńgeıdegi tótenshe jaǵdaı rejımin iske qosty. Bul eldi mekende 500 mm-den astam jaýyn-shashyn tústi.

Jergilikti BAQ habarlaýynsha, tolassyz jaýǵan jańbyr saldarynan araldyń keı aımaqtaryn sý basý qaýpi joǵary. 

«Tramı» taıfýny saldarynan Haınan provıntsııasynda jeti adam qaza taýyp, taǵy bir adam iz-túzsiz joǵaldy. 

Fýtszıan jáne Chjetszıan provıntsııalarynyń bıligi 31 qazan men 1 qarasha aralyǵynda Qytaıdyń shyǵys jaǵalaýyna qatty jańbyr ákeletin «Kong-reı» jańa taıfýnyna daıyndalyp jatyr. Tabıǵı apatynyń eń úlken zardaptary Chjetszıan provıntsııasynda bolady dep boljanyp otyr. 

Qytaıda tótenshe jaǵdaılardyń tórt deńgeıli júıesi bar, mundaǵy birinshi deńgeı maksımaldy. 

Aıta keteıik, buǵan deıin Vetnamda «ıAgı» taıfýnynan qaza tapqandar sany 233 adamǵa jetkeni týraly jazǵan bolatynbyz.