Haıme Mýngııa kelesi qarsylasy retinde Golovkındi tańdaǵanyn málimdedi

ASTANA. QazAqparat – Jeńilip kórmegen orta salmaqtaǵy meksıkalyq boksshy Haıme Mýngııa (41-0, 33 KO) argentınalyq Gonsalo Gaston Korııany (21-6, 8 KO) nokaýtpen jeńgennen keıin kelesi qarsylasy týraly málimdeme jasady, dep habarlaıdy QazAqparat Sports.kz saıtyna silteme jasap.

Mýngııa aıqastan keıin rıngte bergen suhbatynda kelesi jyldyń mamyrynda tanymal qazaqstandyq boksshy Gennadıı Golovkınmen (42-2-1, 37 KO) aıqasqysy keletinin málim etti.
G.Golovkın WBA Super jáne IBF tujyrymy boıynsha orta salmaqtaǵy álem chempıony tıtýldarynyń ıegeri.

Aıta keteıik, Dúnıejúzilik boks uıymy (WBO) brıtandyq Denzel Bentlıdi jeńgen Jánibek Álimhanulyn Haıme Mýngııamen jekpe-jek ótkizýdi mindettegen bolatyn.

«Mýngııa jekpe-jekke kelisedi dep úmittenemin jáne sony asyǵa kútemin», - dep jazǵan edi Jánibek Twitter-de.

Foto:sports.kz