Hayat-Vax jáne CoronaVac vaktsınalary biteıin dep qaldy – Marat Shoranov
Hayat-Vax jáne CoronaVac vaktsınalaryn biz Qazaqstanǵa shekteýli kólemmen jetkizgenbiz. Eń basynan bastap partııalardyń bárin dál ortasynan bólip jartysyn birinshi komponentine, jartysyn ekinshi komponentine saqtap otyrmyz. Qazirgi kezde Hayat-Vax-tyń birinshi komponentiniń qaldyǵy 13 myńdaı. Qazaqstan boıynsha 486 myńnan astam adam ekpesin aldy. Sol sebepten ekinshi komponenttiń vaktsınalary medıtsınalyq mekemelerdiń, uıymdardyń qoımalarynda saqtaýly tur. Sol sebepten Hayat-Vax jáne CoronaVac-tyń birinshi komponentin alǵan azamattar ekinshi ekpesin sol mekemelerden ala alady. Biraz qalalarda rasynda da 486 myń adam alǵandyqtan vaktsına biteıin dep qaldy», - dedi vıtse-mınıstr ortalyq kommýnıkatsııalar qyzmetinde.
Sondaı-aq, Marat Shoranov atalǵan vaktsınalardyń qosymsha partııasyn ákelý úshin kelissózder júrip jatqanyn atap ótti.
«Jalpy biz bul vaktsınalardy bir mezgil kelisimshartpen alyp kelgenbiz. Qazir kelissóz protsesi júrip jatyr. Sheshimi zaýyttyń óndiristik kólemine jáne kelisimsharttaryna baılanysty. Biz naqty merzimin belgileýge tyrysamyz», - dedi mınıstrdiń birinshi orynbasary.