Hayat Vax vaktsınatsııasy týraly ne bilemiz
Hayat-Vax (SARS-CoV-2, Vero Cell) vaktsınasy - bul belsendiligi joıylǵan koronavırýs ınfektsııaǵa qarsy vaktsına, Birikken Arab Ámirlikteri (BAÁ), Ras-Al-Haıma qalasyndaǵy «Jýlpar» farmatsevtıkalyq óndirisinde shyǵarylǵan.
Hayat Vax vaktsınasyn BAÁ Densaýlyq saqtaý jáne aldyn alý mınıstrligi 2020 jyldyń 9 jeltoqsanynda tirkedi, sodan keıin Qytaıda 2020 jyly 30 jeltoqsanda tirkeldi.
Búgingi kúni Qytaıdan basqa vaktsına BAÁ-de óndirýge maquldandy.
Arnaıy málimetterge saı Álemniń 34 memleketine bul vaktsınanyń 50 mıllıonnan astam dozasy qoldanýǵa jiberilgen.
Hayat Vax vaktsınasynyń qaýipsizdigi
Hayat Vax –vaktsınasyn jasaý úshin baıyrǵy, biraq dáleldengen belsendiligi joıylǵan vaktsına jasaý tehnologııasy qoldanylady. Osy tehnologııanyń kómegimen vırýs organızmde qorǵanys antıdenelerin túzý qabiletin saqtaı otyryp, joıylady.
Dúnıejúzilik densaýlyq saqtaý uıymynyń málimetteri boıynsha ınaktıvatsııalanǵan vaktsınalardaǵy adıývanttardyń zııansyz ekendigi dáleldendi. Adıývanttar - ınaktıvti vaktsınanyń quramyndaǵy qosalqy zattar retinde olar ımmýndyq júıeni yntalandyrady jáne organızmdegi ımmýnıtettiń uzaqtyǵyna yqpal etedi.
Hayat Vax vaktsınasynda konservanttar joq.
Vaktsına bir dozalyq qutyda qol jetimdi.
Hayat Vax Sınofarm vaktsınasynyń negizinde jasalynǵandyqtan barlyq sıpattamasy vaktsınasyna sáıkes keledi, al ol vaktsına synaýdyń úshinshi kezeńi Argentına, Bahreın, Egıpet, Marokko, Pákistan, Perý jáne Birikken Arab Ámirlikterinde (BAÁ) ótkizildi, oǵan 68000 astam adam qatysty.
Immýnızatsııadan keıingi jaǵymsyz kórinister (budan ári - IKQK), sonyń ishinde vaktsınatsııalaýdan keıin aýyr allergııalyq reaktsııalar tirkelmegen.
Hayat Vax vaktsınasy tıimdi me?
Qazirgi kúni bul vaktsınanyń búkil Álemde 10 mıllıonnan astam dozasy qoldanylǵan jáne eshqandaı jaǵymsyz jaǵdaılar tirkelmegen.
Qol jetimdi jáne aralyq nátıjelerge súıene otyryp dáleldengen málimetter:
COVID-19 ınfektsııasyna qarsy tıimdiligi 79,3%;
Aýrýdyń ortasha jáne aýyr jaǵdaılarynyń aldyn alýda tıimdiligi 100%.
Vaktsına ımmýndyq jaýapty qalaı týdyrady?
Koronavırýstyq ınfektsııa vırýsynyń belsendiligi joıylyp (óltirilip), tazartylǵan bólshekterin engizýge jaýap retinde deneniń ımmýndyq júıesi yntalandyrylyp, erekshe antıdeneler túziledi.
Al koronavırýstyq ınfektsııanyń patogendi vırýsy aǵzaǵa túskende, vaktsınatsııadan keıin aldyn ala jasalǵan antıdeneler vırýstyq beloktarǵa jabysyp, olardy bloktaıdy. Bul jaǵdaıda vırýs denege zııan keltire almaıdy.
Kóptegen adamdardy vaktsınatsııalaý ujymdyq ımmýnıtetti qalyptastyrýǵa yqpal etedi. Neǵurlym kóp adamdar vaktsınatsııalanǵan bolsa, olardyń aýrýǵa shaldyǵý múmkindigi az bolady.
Koronavırýs indetiniń odan ári taralýyn turaqtandyrý jáne aldyn alý úshin halyq arasyndaǵy vaktsınatsııalaý 60% -dan kem emes deńgeıde turaqty ustaý kerek.
Hayat Vax vaktsınasymen vaktsınatsııalaý kimge arnalǵan?
Hayat Vax vaktsınasy 18 jastan asqan eresek adamdarǵa arnalǵan (ásirese sozylmaly aýrýlarynyń órshý kezeńi joq kezinde egde adamdarǵa).
Hayat Vax vaktsınasyn kimge alýǵa bolmaıdy?
Vaktsınanyń kez-kelgen komponentine (belsendi jáne qosymsha zattaryna) aýyr allergııalyq reaktsııasy bar adamdar nemese osy vaktsınany aldyńǵy dozasyn engizgende allergııalyq reaktsııalar bolǵanda;
Ǵylymı zertteýler vaktsınanyń kelesi toptar úshin qaýipsiz ekenin dáleldegenge deıin vaktsına qoldanýǵa keńes berilmeıdi:
júktilik kezinde,
bala emizetin analarǵa;
18 jasqa deıingi balalar men jasóspirimderge;
Vaktsına ÝAQYTShA usynylmaıdy:
Bulshyqetke ınektsııa jasaý barysynda qan ketý qaýpine baılanysty temperatýrasy kóterilýmen qatar júretin jedel ınfektsııalyq aýrýlary bar adamdar. Vaktsınatsııalaý saýyqqannan keıin eki-tórt aptadan keıin usynylady.
Aǵymdaǵy ýaqytta sozylmaly aýrýlarynyń órshýi baıqalǵan adamdar. Mundaı naýqastarǵa vaktsınatsııa tek aýrýdyń remıssııasy kezinde usynylady.
Jaqyn arada júktilikti josparlaıtyn áıelder.
Qazirgi kúni vaktsınanyń 2-shi dozasyn alǵannan keıin 2 aı ótkennen soń júktilikti josparlaý usynylady.
PTR-ádisi boıynsha Covid-19 oń nátıje kórsetken adamdar;
Juqpaly aýrýy bar adamdarmen, onyń ishinde Covid-19-men karym-qatynasta bolǵan adamdar.
Eske salsaq, Qazaqstan BAÁ óndirilgen Hayat-Vax vaktsınasynyń partııasyn satyp aldy.