Haver Sala-ı-Martın AEF jaıynda: Basty maqsat ıdeıa almasý

NUR-SULTAN. QazAqparat - Kolýmbııa ýnıversıtetiniń professor, ekonomıka ǵylymdarynyń doktory, Jahandyq básekege qabilettilik ındeksiniń avtory Haver Sala-ı-Martın álemdik qoǵamdastyq úshin Astana ekonomıkalyq forýmynyń qanshalyqty mańyzdy ekendigin aıtty, dep habarlaıdy QazAqparat tilshisi.

«Mundaı forýmdardy ótkizý elderdi, olardyń ıdeıalaryn baılanystyrý úshin mańyzdy. Eń bastysy - sol ne basqa eldiń problemasyn túsiný. Ózim túzgen ekonomıkalyq ındekske sáıkes, álemdegi negizgi problema ekojúıedegi ınnovatsııa bolyp otyr. Degenmen, barlyq el jáne bılik tebul problemany moıyndaıdy. Sondyqtan birge jınala otyryp, bul problemany talqylaıdy», - dedi ol forým aıasynda BAQ ókilderine bergen suhbatynda.

Aıta keterligi, básekege qabilettilik reıtınginde Qazaqstan 59-orynda tur. Osy rette sheteldik sarapshy barlyq elder úshin ekonomıkany ártaraptandyrý mańyzdy ekendigin aıtty.

«Negizinde reıtıng asa mańyzdy emes. Biz reıtıngti BAQ-ta jarııa etý úshin nemese eldiń qaı orynda turǵandyǵyn, ol básekege qabiletti me ekendigin kórsetý úshin ǵana jasaımyz. Dál osyndaı fýtbolda da oryn alady. Biraq, oıynda siz jeńesiz ne jeńilesiz. Eldiń qaı orynda turǵany mańyzdy emes, mańyzdysy onyń ındeksi. Bizdiń álsiz jáne kúshti tusymyzdy bilý mańyzdy. Indeksterdiń kómegimen eldiń qaı deńgeıde turǵanyn ólsheımiz. Biraq, ındeksti durys ólsheý úshin bilim qajet», - dedi Haver Sala-ı-Martın.

Onyń paıymynsha, sońǵy ǵasyrdyń ishinde álemdegi bilim berý salasy esh ózgeriske ushyraı qoıǵan joq. Al bul problemany sheshý úshin revolıýtsııa qajet. Al bilim berý júıesin ózgertýdiń basty kilti - bul básekege qabilettilik.