Harrıs Tramptyń pikirtalas ótkizý usynysynan bas tartty

<p>ASTANA. KAZINFORM &ndash; AQSh vıtse-prezıdenti demokrat Kamala Harrıstiń saılaýaldy shtaby Respýblıkalyq partııasynyń burynǵy kóshbasshy Donald Tramptyń 4 qyrkúıekte Fox News alańynda pikirtalas ótkizý usynysynan bas tartty. Ol jóninde shtabtyń jazbasha málimdemesinde baıandaldy. Bul týraly TASS aqparat agenttigi jazdy.&nbsp;</p>

«Donald Tramp kelisimin bergen pikirtalasqa qatysýdan jaltarýǵa tyrysady. Ol oıyn oınaýyn toqtatyp, buǵan deıin rastaǵan 10 qyrkúıektegi pikirtalasqa qatysýy tıis. Vıtse-prezıdent qalaı degende de praım-taım ýaqytynda ulttyq aýdıtorııa aldynda sóz sóıleý múmkindigin paıdalaný úshin sol jerde bolady. Biz eki [saılaý] naýqanda kelisken pikirtalastardan keıingi pikirtalastardy talqylaýǵa qarsy emespiz», - delingen qujatta.

Buǵan deıin Tramp Fox News telearnasymen 4 qyrkúıekte Harrıspen teledıdarlyq pikirtalas ótkizýge keliskenin aıtqan bolatyn. Eks-prezıdenttiń aıtýynsha, 10 qyrkúıekte ABC telearnasynda ótken pikirtalas kelisimi endi ózekti emes. Óıtkeni qazirgi memleket basshysy Djo Baıden qatardan shyqty. Sonymen qatar respýblıkalyq Harrıspen bolatyn pikirtalasqa kórermenderdiń qatysýyn qalaıdy. Baıden shtaby buǵan úzildi-kesildi qarsy boldy jáne maýsym aıynda memlekettik joǵary laýazymǵa eki úmitkerdiń pikirtalasy tek júrgizýshilerdiń qatysýymen ótti. 

Fox News telearnasy 17 qyrkúıekte pikirtalas uıymdastyrýdy usynyp otyr. Tipti, Tramp pen Harrıs shtabtaryna shaqyrý jiberdi. Tramp óz kezeginde Harrıspen bir emes, birneshe ret pikirtalas ótkizgisi keletinin málimdedi.