«Hárrı Potterdiń» túpnusqa muqabasy aýktsıonda 1,9 mıllıon dollarǵa satyldy

<p>ASTANA.KAZINFORM - &laquo;Hárrı Potter men fılosofııalyq tastyń&raquo; birinshi basylymyna arnalǵan akvareldiń túpnusqalyq ıllıýstratsııasy 1,9 mıllıon dollarǵa satyldy. Bul týraly Daily Mail jazdy.&nbsp;</p>

Sotheby 's málimetinshe, bul jumys «Hárrı Potterdiń» aýktsıonda satylǵan eń qymbat zaty boldy. 

1997 jyly nebári 23 jasta bolǵan Tomas Teılordyń naızaǵaıǵa uqsas tyrtyǵy men dóńgelek kózildirigi bar balanyń beınesi 400, 000 men 600, 000 dollar aralyǵynda bolady dep boljanǵan. 

Teılor Kembrıdjdegi balalar kitap dúkeninde jumys istep júrgen kezinde baspager Barrı Kannıngem odan 1997 jyldyń maýsym aıynda Londonda shyǵatyn Dj. K. Roýlıń kitabyna arnap ıllıýstratsııa salýdy suraǵan. 

Ol bul eńbegine shamamen 750-800 dollar aldy. Teılordyń aıtýynsha, bul sol kezdegi kitap muqabasy úshin ádettegi qalamaqy. 

Kitap shyqqan kezde Roýlıń pen Teılor asa tanymal bola qoımady jáne ony jahandyq qubylys bolady dep kútken adamdar az boldy. Birinshi basylymnyń 500 danasy basylyp, 300-i kitaphanalarǵa jiberildi. Biraq kóp uzamaı kitap bestsellerge aınaldy.