Harbın qysqy Azııa oıyndaryna ótinish bergen elder sany rekordtyq kórsetkishke jetti

<p>BEIJІŃ. KAZINFORM &ndash; Sınhýa agenttiginiń habarlaýynsha, 2025 jyly Harbın qalasynda ótetin dúbirli doda tarıhta eń kóp el qatysqan qysqy Azııadanyń biri bolmaq.&nbsp;</p>

Qazirgi ýaqytta 34 el/aımaqtyń olımpıadalyq komıtetteri Harbın qysqy Azııa oıyndaryna qatysýǵa ótinish berip úlgerdi.

Aıta keterligi, 2017 jyly Japonııanyń Sapporo qalasynda ótken qysqy Azııa oıyndaryna 32 el/aımaqtan 1 147 sportshy baq synaǵan bolatyn. 

IX qysqy Azııa oıyndary 2025 jyldyń 7-14 aqpany aralyǵynda Harbın qalasynda ótedi. Jarystar aıasynda sportshylar 12 sport túri boıynsha 64 medal jıyntyǵyn sarapqa salady. 

Atalmysh qala qysqy Azııa oıyndaryn ekinshi márte ótkizgeli otyr. Buǵan deıin, ІІІ qysqy Azııa oıyndary 1996 jyly osy qalada ótip, 17 el/aımaqtan kelgen 458 sportshy synǵa túsken bolatyn. Qazaqstan quramasy sol jyly 14 altyn, 9 kúmis, 8 qola (barlyǵy 31) júldemen jalpy esepte jarys qojaıynynan keıingi 2-orynnan kóringen.

Eske sala keteıik, buǵan deıin UOK ókilderi Harbın qysqy Azııa oıyndaryna daıyndyq semınaryna qatysqanyn jazǵan edik.