Harbın qysqy Azııa oıyndaryn qandaı sport kesheninde qabyldaıdy
Aq Azııadany ekinshi márte ótkizgeli otyrǵan Harbın qalasy bul kúnde barlyq daıyndyq jumystaryn aıaqtady, sport nysandary jarysty qabyldaýǵa daıyn.
IX qysqy Azııa oıyndary Harbın qalasyndaǵy muz sporty ótetin 5 arena jáne ıAbýlı taý shańǵysy kýrortynda qar sporty ótetin 8 jarys alańynda ótedi.
1. Harbın hokkeı arenasy
Sport nysany 1993 jyly salynǵan, jalpy aýdany 32 600 sharshy metr jáne halyqaralyq standartqa saı 4 muz aıdyny bar. 5400 oryndyq nysan qaladaǵy eń úlken jabyq alań bolyp sanalady. Munda qysqy Azııa oıyndarynyń erler arasyndaǵy shaıbaly hokkeı jarysy ótedi.
2. Harbın sport ýnıversıtetiniń muz aıdyny
2007 jyly 31 jeltoqsanda paıdalanýǵa berilgen nysan 12 060 sharshy metr aýmaqty alyp jatyr. 2200 kórermen qabyldaı alady. Ǵımarattyń jalpy syrtqy bıiktigi – 19,6 metr, eni – 60 metr, uzyndyǵy – 90 metr.
Joǵarǵy qabattaǵy muz aıdyny 1768 sharshy metr, al tómengi qabattaǵy muz aıdyny 1580 sharshy metr. Sondaı-aq, tórt qabattan turatyn nysanda sportshylar, jattyqtyrýshylar men tóreshilerge arnalǵan demalys bólmeleri, qural-jabdyqtar bólmeleri, press ortalyǵy jáne dene shynyqtyrý ortalyǵy bar.
3. Harbın kerlıng arenasy
Keshen 2017 jyly salynǵan, jalpy aýdany – 9311 sharshy metr.
Nysan muz sporty boıynsha barlyq halqaralyq talapqa saı bolyp, osy ýaqytqa deıin kóptegen halyqaralyq jarystardy sátti ótkizgen. Keshende qysqy Azııa oıyndarynyń kerlıng sportynan jarystar ótedi.
4. Heılýntszıan muz aıdyny jattyǵý ortalyǵy (konkımen júgirý sporty kesheni)
Heılýntszıan muz aıdyny jattyǵý ortalyǵy 1973 jyly paıdalanýǵa berilgen, jalpy aýdany – 91545 sharshy metr. Ortalyqta konkımen júgirý sporty kesheni, Short-trek jáne mánerlep syrǵanaý sporty kesheni bar.
Konkımen júgirý sporty kesheni 1995 jyly salynǵan. Ǵımarattyń aýdany – 22268 sharshy metr, uzyndyǵy – 192 metr, eni – 80 metr, al bıiktigi – 29 metr. Keshende bir muz aıdyny jáne eki short-trek alańy bar. Úsh qabattan turatyn keshen shamamen 1594 kórermen qabyldaı alady.
Aıta keterligi, bul nysan ІІІ qysqy Azııa oıyndaryn qabyldaǵan.
5. Heılýntszıan muz aıdyny jattyǵý ortalyǵy (Short-trek jáne mánerlep syrǵanaý sporty kesheni)
Short-trek kesheni 1983 jyly salynǵan. Jalpy aýdany – 9242 sharshy metr, kórermenderge arnalǵan oryn sany – 2767. Keshende short-trek, mánerlep syrǵanaý, shaıbaly hokkeı, kerlıng jáne basqa da sport túrleri boıynsha jattyǵýlar men jarystar ótkizýge bolady.
Mánerlep syrǵanaý kesheni 2008 jyly paıdalanýǵa berilgen, jalpy aýdany – 12093 sharshy metr. Halyqaralyq standartqa saı jarys alańy jáne jattyǵý muz aıdyny bar.
6. ıAbýlı taý shańǵysy kýrorty
Heılýntszıan provıntsııasy ıAbýlı taý shańǵy kýrorty ІІІ qysqy Azııa oıyndaryn qabyldaǵan. Qazirgi ýaqytta shańǵy trassasy 118 ga aýmaqty alyp jatyr. Kýrort taý shańǵysy, shańǵymen syrǵanaý, frıstaıl, snoýbord, tramplınnen sekirý jáne bıatlon sııaqty halyqaralyq deńgeıdegi qar sporty jarystaryn ótkize alady.
Sondaı-aq, shańǵy trassasynyń jalpy uzyndyǵy – 31 shaqyrym, al eń uzyn trassa 5 shaqyrymǵa jetedi.
Aıta keterligi, IX qysqy Azııa oıyndary uıymdastyrý komıtetiniń aıtýynsha, jarys ótetin barlyq arena men alań, qoldanystaǵy nysandar jańartylyp, energııany únemdeıtin jáne ekologııalyq taza materıaldar men jasyl jáne tómen kómirtekti tehnologııalar paıdalanyldy.
Eske salsaq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 12 sport túri boıynsha 64 medal jıyntyǵyn sarapqa salady.
QR Týrızm jáne sport mınıstrliginiń habarlaýynsha, Qazaqstannan 139 sportshy el namysyn qorǵaıdy.