Harassmenttiń aldyn alatyn zań jobasy ázirlenip jatyr - mınıstrlik

<p>ASTANA. KAZINFORM &ndash; QR Іshki ister mınıstriniń orynbasary Igor Lepeha Qazaqstanda áıelderdi harassmentten qorǵaýǵa baǵyttalǵan zańdy qabyldaý múmkindigine qatysty suraqqa jaýap berdi.</p>

Onyń aıtýynsha, qazirgi kezde vedomstvo qysym kórsetýge jol bermeýge arnalǵan zań jobasy ázirlep jatyr.

«Qazir qoǵamda bul taqyryp kóterilip jatyr jáne harassment boıynsha usynystar da aıtylyp júr. Bul turǵyda qarama-qaıshy pikirler de kezdesip otyr. Bireýler qoldasa, keıbiri úzildi-kesildi qarsy. Sondyqtan biz olardy jumys tobynyń otyrystarynda talqylaımyz. Bul másele áli de qoǵamdyq talqylaýda», - dedi I.Lepeha Senattyń jalpy otyrysynan keıin tilshiler suraǵyna jaýap bere otyryp.

Buǵan deıin jumystaǵy harassment úshin jaýapkershilik engizilýi múmkin ekeni habarlanǵan edi.  Byltyr senator Darhan Qydyráli Qazaqstandaǵy áıelder jumysta zorlyq-zombylyq pen qýdalaýǵa tap bolatynyn aıtty

«Elimizde harassmenttiń aldyn alatyn arnaıy zańnyń bolmaýy da úlken másele. Jazalanbaı jeńil qutylatynyn biletinder túrli júgensizdikke barady, qylmysty qymsynbaı jasaıdy. Sondyqtan qorǵansyzdyń kúnin keshpes úshin azamattarymyzdy zorlyq-zombylyqtan qorǵaıtyn zańnamany kúsheıtý kezek kúttirmeıdi», - dedi D.Qydyráli.