Hanter Baıdenge jańa aıyp taǵyldy

<p>AQSh prezıdentiniń uly 1,4 mln dollar salyq tólemegeni úshin aıyptalyp otyr. <a href="Kazinform" target="_blank" rel="noopener">Kazinform </a>bul týraly <a href="https://ru.euronews.com/2023/12/08/usa-hunter-biden-indicted-ru" target="_blank" rel="noopener">Euronews</a>-ke silteme jasap habarlaıdy.</p>

Hanter Baıdenge jańa aıyp taǵyldy, onyń ishinde úsh qylmystyq is pen alty quqyqbuzýshylyq bar. Olardyń bári salyq tóleýge qatysty.

Aıyptaýlar boıynsha, AQSh prezıdentiniń uly 2016-2019 jyldary memleket qazynasyna 1,4 mln dollar qaryz bolyp qalǵan.

Eger onyń kinási dáleldense, 17 jylǵa deıin túrmege qamalýy múmkin.

Arnaıy prokýror Devıd Ýaısstyń sózinshe, Hanter «mıllıondaǵan dollardy salyqtyń ornyna erekshe ómir saltyna jumsaǵan».

Qujatta Baıdenniń ýkraınalyq óndiris konglomeraty dırektorlar keńesi men qytaılyq tikeleı ınvestıtsııalar qorynan tapqan sol jyldardaǵy tabysy az bolmaǵany aıtylǵan.

Buǵan deıin Prezıdent Djo Baıdenniń uly – Hanterge 2018 jyly qarý satyp alý kezinde jalǵan málimet bergeni úshin úsh epızod boıynsha aıyp taǵylǵanyn habarlaǵan bolatynbyz.