Hanchjoýda ótetin Azııa oıyndaryna Qazaqstan quramasy 30 sport túrinen qatysady

<p>Qazaqstandyq sportshylar 19-shy Azııa oıyndarynyń baǵdarlamasyna qosylǵan 40 sport túriniń 30-nan baq synaıtyn bolady. Otandyq sportshylar 44 dıstsıplına boıynsha, 305 medal úshin talasady. Jalpy bıylǵy Azıadada 61 dıtsıplına boıynsha 481 medal jıyntyǵy oınatylady, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Qazaqstandyq sportshylar boks, dzıýdo, taekvondo, kúres, jeńil atletıka, sadaq atý, qazirgi bessaıys, breıkıng, badmınton, trıatlon, tennıs, sý sporty (júzý jáne artıstik júzý), basketbol, eskek esý sporty, velosport, semserlesý, aýyr atletıka, golf, gımnastıka, gandbol, voleıbol, quzǵa órmeleý, eskek esý, regbı-7, ústel tennısi, atý jáne hokkeı saıystaryna qatysady. Sonymen qatar, otandyq sportshylar 3 olımpıadalyq emes sport túri: ý–shý, jekpe-jek jáne ıntellektýaldy ústel oıyndarynda da jarysqa shyǵady.

«Azııa oıyndaryna 524 qazaqstandyq sportshy qatysady. Árıne, keıbir sport túrlerinde medal alý múmkindigi basqalarǵa qaraǵanda joǵary. Biz úshin sportshylarǵa barynsha qolaıly jaǵdaı týǵyzý mańyzdy. Ol úshin barlyq qajetti jumysty jasadyq. Azıadada sporttyń 8 túrinen: boks, sadaq atý, qazirgi bessaıys, júzý, breıkıng, kógaldaǵy hokkeı, tennıs pen jeńil atletıkadan Parıj Olımpıadasyna lıtsenzııa oınatylady»,- dedi QR TSM Sport jáne dene shynyqtyrý isteri komıtetiniń tóraǵasy Erbol Myrzabosynov.