«Han Abylaı: tanym jáne taǵylym» atty kitap jaryq kórdi

ASTANA. 6 qazan. Baq.kz - Qazaq halqynyń dańqty qolbasshysy, úsh júzdiń basyn qosqan Abylaı hannyń 300 jyldyǵyna arnalǵan «Abylaı han jáne onyń tarıhı dáýiri» taqyrybynda halyqaralyq ǵylymı-tájirıbelik konferentsııada «Han Abylaı: tanym jáne taǵylym» atty kitaptyń tusaýkeseri ótti dep habarlaıdy Baq.kz.

Kórnekti memleket qaıratkeri, aty ańyzǵa aınalǵan Abylaı hannyń ǵumyrnamasy men atqarǵan isteri týraly halyq derekteri molynan saqtalyp jetken. Halyq tanymynda Abylaı qazaq jerin jaýdan qorǵaý, onyń azattyǵyn saqtaý jolynda erekshe erlik kórsetken batyr, eldiń birligin jarastyrǵan dana bıleýshi retinde ardaqtalady. Kitapta ataqty hannyń el júreginde saqtalǵan beınesi men halyqtyń bıleýshi týraly tanymy-taǵylymy taldanǵan.

«Tarıh jáne halyq» serııasy boıynsha shyqqan kitaptyń avtorlary Erlan Sydyqov pen Almas Ábsadyqov atalǵan dereknamalyq jınaqty L.Gýmılev atyndaǵy Eýrazııa Ulttyq ýnıversıteti jáne Tarıhshylardyń ulttyq kongresiniń qoldaýymen shyǵaryp otyr.