HAMAS Tel-Avıvtegi Ben-Gýrıon áýejaıyna zymyran jiberdi

<p>Gaza sektorynan atylǵan zymyrandardyń biri Tel-Avıvtegi Ben-Gýrıon halyqaralyq áýejaıynyń mańyna tústi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Áleýmettik jelilerde oqıǵa ornynan kadrlar tarap jatyr.

Ázirge zardap shekkender men búlingen nysandar týraly resmı aqparat joq. Azııa áýe kompanııalary Izraılge ushatyn reısterdi toqtatyp jatyr.

Azııadaǵy birneshe áýekompanııa eldegi qaýipsizdik jaǵdaıy tómen ekenin eskerip, Izraılge ushatyn reısterdi toqtatty. Qytaı men Izraıl arasynda reısi bar jalǵyz qytaılyq áýe kompanııasy – Hainan Airlines dúısenbi kúni Shanhaı men Tel-Avıv arasynda reıster ushpaıtynyn habarlasa, Cathay Pacific te seısenbi kúni Gonkong pen Tel-Avıv arasynda ushýy kerek reısti toqtatty.

Korean Air Inchhon portty qalasy men Tel-Avıv arasyndaǵy reısti toqtatyp, alda reıster turaqsyz bolýy múmkin dep málimdedi.

Sderot qalasynda áli de Izraıl aýmaǵynda bolýy múmkin HAMAS áskerin izdeý jumystary júrip jatyr.

Senbi kúni palestınalyq HAMAS toby Izraılge shabýyl jasap, el soǵys jaǵdaıyna kóshkennen keıin birqatar memleket azamattaryn Izraılden evakýatsııalaýdy uıymdastyrǵanyn eske sala keteıik.

Izraıl áskeriniń resmı ókili qazir barlyq eldi mekendi baqylap otyrǵanyn, Izraıl aýmaǵynda áskerı is-qımyl bolyp jatpaǵanyn málim etti. Degenmen ol Izraıl aýmaǵynda áli de Hamas áskeri bolýy múmkin deıdi.