HAMAS Palestına halqynyń múddesin bildirmeıdi - Mahmýd Abbas

<p>Palestına ulttyq avtonomııasynyń jetekshisi Mahmýd Abbas HAMAS Izraılde tutqynǵa alynǵan beıbit turǵyndardy bosatýy kerek ekenin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.dw.com/ru/abbas-hamas-ne-predstavlaet-interesy-palestinskogo-naroda/a-67105585?maca=rus-rss-ru-all-1126-xml-mrss" target="_blank" rel="noopener">DW</a> jańalyqtaryna silteme jasap.</p>

«Gaza sektoryn baqylaıtyn radıkaldy ıslamshyl HAMAS qozǵalysynyń áreketi men saıasaty Palestına halqynyń múddesin bildirmeıdi» dedi Palestına ulttyq avtonomııasynyń basshysy Mahmýd Abbas Venesýela basshysy Nıkolas Madýromen telefon arqyly áńgimesinde. 

Dúısenbi, 16 qazanda Palestınanyń WAFA aqparat agenttigi saıasatkerlerdiń áńgimesinen úzindi keltirdi.

Abbas Palestınanyń da, Izraıldiń de beıbit turǵyndaryn óltirýge qarsy ekenin bildirdi, sondaı-aq «qos taraptaǵy beıbit halyqty, tutqyndar men qamaýǵa alynǵandardy» bosatýǵa shaqyrdy, dep jazady WAFA.

«Palestına-Izraıl qaqtyǵysy saıası sheshimmen, eshqandaı zorlyq-zombylyqsyz aıaqtalýy kerek» dep úzindi keltiredi agenttik.