HAMAS kepilge alynǵandardy berýdi keıinge qaldyrdy

<p>HAMAS-tyń qarýly kúshteri Gaza sektorynda tutqynǵa alynǵan ekinshi topty bosatýdy Izraıl &laquo;kelisimdi oryndaı bastaǵanǵa deıin&raquo; keıinge qaldyratynyn málimdedi, dep habarlaıdy <a href="https://www.inform.kz/" target="_blank" rel="noopener">Kazinform </a><a href="https://ru.euronews.com/2023/11/25/web-hostages-released-2nd-day" target="_blank" rel="noopener">euronews </a>arnasyna silteme jasap.</p>

«Ezzedın ál-Kassam brıgadalary „Gaza sektorynyń soltústigine gýmanıtarlyq júk kólikteriniń kirýin“ jáne palestınalyq tutqyndardy bosatý úshin „tańdaý krıterıılerin“ saqtaýdy talap etedi», — delingen baspasóz habarlamasynda.

Izraıl bıligi kepilge alynǵandardyń áli Halyqaralyq Qyzyl Krest komıtetine (HQKK) tapsyrylmaǵanyn rastady.

HAMAS-tyń resmı ókili kepilge alynǵandardy bosatýdyń keshigýine baılanysty «problemalardy sheshýge» kúsh salyp jatqanyn aıtty.

Katar áli de daǵdarysty sheshýge tyrysýda jáne Izraıl men HAMAS arasyndaǵy bitim kelisimi ázirge kúshinde.

Katar Syrtqy ister mınıstrliginiń ókili búgin túnde 39 palestınalyq azamattyń kepilge alynǵan 13 ızraıldik pen 7 sheteldik azamattyń ornyna bosatylatynyn aıtty.

Baspasóz hatshysynyń sózinshe, «kedergiler Katar men Egıpettiń araǵaıyndyǵy arqyly eńserildi».

Osydan birneshe saǵat buryn HAMAS-tyń qarýly kúshteri Gaza sektorynda tutqynǵa alynǵan ekinshi topty bosatýdy Izraıl «kelisimdi oryndaı bastaǵansha» keıinge qaldyratynyn málimdegen.

Eske salaıyq, buǵan deıin Izraıl men HAMAS ekinshi almasý júrgizgeni málim bolǵan.