HAMAS kepilge alynǵan ızraıldikterdi bosatýǵa daıyn

<p>HAMAS-tyń joǵary laýazymdy ókili Gazı Hamad NBC News-ke bergen suhbatynda basshylyq bir aıǵa jýyq ýaqyt boıy kepilge alynǵandardy bosatý boıynsha &laquo;tolyq ymyraǵa kelýge&raquo; daıyn ekenin málimdedi. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://www.nbcnews.com/news/world/hamas-official-says-want-hostages-go-home-rcna123396" target="_blank" rel="noopener">NBC News</a>-ke silteme jasap habarlaıdy.&nbsp;</p>

Alaıda taıaýda ǵana Izraılge qarsy jańa lańkestik shabýyl jasaımyn dep birneshe ret qorqytqan Hamad sonymen «ızraıldik túrmelerdegi barlyq tutqyndy bosatý» týraly talap qoıdy.

«Biz bul adamdardyń úılerine oralǵanyn qalaımyz. Sondaı-aq bizdegi tutqyndar da úılerine oralǵanyn qalaımyz. Sondyqtan biz qazir tolyq ymyraǵa kelip, kepilge alynǵan barlyq adam: áskerılerdi de, beıbit turǵyndardy da qabyldaý úshin mámileni aıaqtaýǵa daıynbyz dep oılaımyn», - dep málimdedi Hamad.

BUU habarlaýynsha, Izraıl 5000 palestınalyqty, sonyń ishinde 160 balany tutqynda ustap otyr. HAMAS 7 qazanda Izraılge shabýyl jasaǵannan beri 230-dan astam adamdy kepilge alǵan.

Hamad NBC News arnasyna bergen suhbatynda Izraıldi Gaza sektoryna qarsy agressııasyn toqtatýǵa shaqyrdy.

Aıta keteıik, Hamad ótken aptada Lıvannyń LBC telearnasyna HAMAS Izraıldi joıýy kerek ekenin jáne 7 qazandaǵy operatsııany «ekinshi, úshinshi, tórtinshi» ret qaıtalaýǵa daıyn ekenin aıtty. Ol toptyń basqynshylyqqa qarsy kúresti jalǵastyrǵysy keletinin qosty.

«Basqynshylyqqa qarsy kúresý – zańdy quqyǵymyz. Bul halyqaralyq quqyqqa saı. Barlyq ereje men zańǵa sáıkes», - dedi ol.

«HAMAS Izraıldiń Gaza sektoryna shabýylyn toqtatqany úshin ne isteıdi?» degen suraq qoıyldy. Oǵan Hamad «Biz agressııany, halqymyzdy óltirý jáne qyrǵyndy toqtatqymyz keledi. Osydan keıin biz kez kelgen áńgime – kepilge alynǵandar, tutqyndar, bári týraly sóılese alamyz, biraq aldymen olar agressııany toqtatýy kerek», - dep jaýap berdi.