HAMAS Gazadaǵy atysty 135 kúnge toqtatýdy usyndy

<p>ASTANA. KAZINFORM - HAMAS Izraılge Gaza sektorynda 135 kúndik atysty toqtatý josparyn usyndy. Bul kezeńde top kepilge alynǵandardy bosatady, al Izraıl sarbazdary Gazadan shyǵyp ketýi kerek. Bul týraly&nbsp;<a href="https://www.reuters.com/world/middle-east/gaza-mediators-search-final-formula-israel-hamas-ceasefire-2024-02-07/" target="_blank" rel="noopener">Reuters</a> saıty jazdy.&nbsp;</p>

Shartta kórsetilgendeı Izraıl anklavtan óz áskerin shyǵarǵan kezde ǵana kepilge alynǵandar bosatylady. Agenttik HAMAS josparynyń ótken aptada Katar men Mysyr deldaldary jibergen jáne Izraıl men Amerıka Qurama Shtattary maquldaǵan usynysqa jaýap ekenin atap ótti. HAMAS joıylmaıynsha Gazadan áskerin shyǵarmaıtynyn aıtqan Tel-Avıv ázirge jarııa túrde jaýap qaıtarǵan joq. 

HAMAS-tyń jaýap usynysy árqaısysy 45 kúnge sozylatyn úsh kezeńdik atysty toqtatýdy talap etedi. Birinshi kezeńde top qalǵan ızraıldik kepilge alynǵandardy - áıelderdi, 19 jasqa deıingi erlerdi, qarttar men naýqastardy - palestınalyq tutqyndarǵa - áıelder men balalarǵa aıyrbastaýdy usynady. Mundaı jaǵdaıda Izraıl Gazadaǵy eldi mekenderden áskerin shyǵarýǵa májbúr bolady. 

Dál osy kezeńde taraptar soǵys qımyldaryn toqtatý úshin «janama kelissózder» júrgizýge májbúr bolady, sodan keıin ekinshi kezeń bastalady, onda qalǵan barlyq er azamat bosatylady. Úshinshi kezeńniń sońynda taraptar máıitterdi almastyrady. 

HAMAS sondaı-aq bitimge baılanysty Gaza halqyna gýmanıtarlyq kómek kóbeıedi dep úmittenip otyr. 

Aıta keteıik, 2023 jyldyń 7 qazanynda palestınalyq HAMAS toby Izraılge shabýyl jasap, keminde 1 200 ızraıldikti óltirip, 200-den astam adamdy kepilge aldy.
Buǵan jaýap retinde Izraıl Gaza sektoryn baqylaıtyn HAMAS-qa soǵys jarııalap, qarqyndy áýe shabýyldaryn jasap, anklavqa ásker jiberdi. 

Gaza Densaýlyq saqtaý mınıstrliginiń málimetinshe, qaqtyǵystar kezinde aımaqta 27 500-den astam palestınalyq qaza tapqan.