HAMAS Gazada tatýlasý jónindegi usynysqa jaýap retinde atysty tolyq toqtatýdy talap etti

<p>ASTANA. KAZINFORM &ndash; HAMAS toby AQSh-tyń Gazada atysty toqtatý týraly usynysyna jaýap joldady. Toptyń joǵary shendi ókili Bı-bı-sı-ge Izraılden burynǵysynsha atysty toqtatýdy talap etip otyrǵanyn atap ótti.</p>

Óz málimdemelerinde HAMAS pen onyń «Palestınalyq ıslam jıhady» uıymynan odaqtastary kelisimge kelýge daıyn ekendikterin bildirdi.

Bul rette Reuters agenttigi Izraıl sheneýnigine silteme jasaı otyryp, HAMAS-tyń kepilge alynǵandardy bosatýdan bas tartyp otyrǵandyǵy týraly habar taratqan.

AQSh prezıdenti Djo Baıden usynyp, BUU Qaýipsizdik Keńesi maquldaǵan atysty toqtatý týraly jospar, atysty on kúnge toqtatýdy kózdeıdi. Keıinirek ol turaqty sıpat alýy kerek. Sondaı-aq Izraıl azamattary kepildikten, al palestınalyqtar Izraıl túrmesinen bosatylýy kerek.

Izraıl men HAMAS arasyndaǵy kelissózderge deldal bolyp otyrǵan Katar men Mysyr palestınalyq toptyń usynysqa jaýap bergenin rastady.

Beısenbi kúni keshkisin jasaǵan málimdemesinde HAMAS Gazada atysty tolyq toqtatýǵa shaqyrdy.