HAMAS eki sheteldik tutqyndy bosatty

<p>Palestınalyq HAMAS toby AQSh-tyń eki azamaty &ndash; 59 jastaǵy Djýdıt Raanan men onyń 17 jastaǵy qyzy Natalı Raanandy bosatty. Olar bul sheshimdi izgi nıet belgisi dep túsindirdi. Bosatylǵan tutqyndar qazir Izraılde, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń tilshisi.&nbsp;</p>

«Djýdıt pen Natalı Raanan HAMAS lańkesteri bosatqannan keıin Izraılge oraldy. Olar 7 qazandaǵy shabýyldan beri tutqynda otyrǵan», - delingen premer-mınıstr Bınıamın Netanıahý keńsesiniń málimdemesinde.

Netanıahýdiń tutqyndar boıynsha elshisi Gal Hırsh TsAHAL jáne basqa da kúshtik qurylym ókilderimen birge anasy men qyzyn Gaza sektorymen shekarada kútip aldy, dep habarlady premer-mınıstr keńsesi.

«Izraıl úkimeti, TsAHAL men barlyq qaýipsizdik qyzmeti tutqyndardy taýyp, úıge qaıtarý úshin qolynan kelgenniń bárin isteıdi», - delingen málimdemede.

Bosaǵan tutqyndar Halyqaralyq Qyzyl Krest komıtetiniń ókilderine berildi. Olar tutqyndardy Gaza sektory men Izraıl shekarasynan alyp ótip, ızraıldik tarapqa tapsyrdy.

HAMAS saıası bıýrosynyń ókili Gazı Hamad amerıkalyq eki tutqyndy bosatý toptyń izgi nıetin bildiretinin málim etti. «Ál-Jazıra» telearnasyna bergen suhbatynda Hamad bul qadam Katardyń aralasýymen júzege asqanyn atap ótti.

HAMAS eki tutqynnyń ornyna birnárse aldy ma degen suraqqa Hamad bylaı dep jaýap berdi: «Bul – halyqaralyq qaýymdastyqqa HAMAS-tyń lańkestik uıym emes ekenin dáleldeý úshin bolǵan izgilik nıetiniń belgisi».

Hamad HAMAS uıymy «tutqyndar máselesin oń sheshýge» daıyn ekenin, biraq áýeli Gaza sektoryna Izraıldiń shabýylyn toqtatý kerek ekenin aıtty. Ol top tutqyndarǵa «adamgershilikpen jáne qurmetpen» qarap jatyr dep tolyqtyrdy.

Izraıldiń málimdeýinshe, HAMAS 7 qazanda Izraıldiń ońtústigindegi qalalarǵa shabýyl jasaǵannan keıin Gaza sektoryna 203 adamdy alyp ketken. Hıýman Raıts Votch pen basqa da quqyq qorǵaýshy toptar tutqyndardy ustaý áskerı qylmyspen teń ekenin málim etti.