11:14, 26 Qarasha 2023

HAMAS taǵy 13 ızraıldikti bosatyp, ony palestınalyq 39 tutqynǵa aıyrbastady

Izraıl 39 palestınalyq tutqyndy HAMAS erkine qoıa bergen 13 ızraıldikke aıyrbastady. Sonymen qatar tórt Taıland azamaty bosatyldy. Bul týraly Kazinform agenttigi Times of Israel saıtyna silteme jasap habarlaıdy.

Foto: timesofisrael.com

Bostandyqqa shyqqandardy qalyń jurt kútip aldy.

HAMAS Izraılge qaıtarǵan tutqyndardyń ishinde toǵyz jasar Emılı Hend de bar. Búgin ol otbasyna oraldy.

Jeksenbi kúni keshke eki jaqtan kepilge alynǵan úshinshi topty bosatý josparlanyp otyr.

Esterińizge sala keteıik, juma kúni Izraıl HAMAS-pen kelisim boıynsha, kepilge alynǵan alǵashqy 13 ızraıldiktiń bosatylýyna jaýap retinde 39 palestınalyq tutqyndy bosatqan bolatyn.

Ózara tutqyn almasý — Izraıl men HAMAS arasyndaǵy tórt kúndik bitim aıasynda bolyp jatyr.

Gaza sektory Izraıl Palestına Taıaý Shyǵystaǵy ahýal Álem

Erkejan Smaǵulova

2008 jyly Sh. Qudaıberdiuly atyndaǵy SMÝ-dyń jýrnalıstıka fakýltetin bitirgen. Eńbek jolyn oblystyq «Semeı tańy» gazetinen bastaǵan. 2018 jyldan bastap Kazinform halyqaralyq aqparat agenttiginde aýdarmashy.