Halyqtyń vagondardyń jaı-kúıine qatysty shaǵymy durys - mınıstr

NUR-SULTAN. QazAqparat – Bıyl 14,7 mlrd teńgege 31 jolaýshylar vagony satyp alynady. Bul týraly halyqqa esep berý kezdesýinde QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Jolaýshy vagondarynyń parki shamamen 2,6 myń birlikti quraıdy, ortasha tozýy – 46 paıyz. Halyq tarapynan vagondardyń jaı-kúıine qatysty ádil shaǵymdar bar. Shynynda da, parktyń jartysy aýystyrýdy qajet etedi. 2020 jyly memlekettik qoldaý tetigi aıasynda ulttyq tasymaldaýshy 40 mlrd teńgege «Tulpar» zaýytynyń otandyq óndirisiniń 100 vagonyn satyp aldy. Bıyl 14,7 mlrd teńge somasyna 31 jolaýshylar vagonyn satyp alýdy josparlap otyr», - dedi mınıstr.

Onyń aıtýynsha, atalǵan vagondar Almaty – Mańǵystaý jáne Almaty – Atyraý baǵyttaryna jetkiziledi.

«Jalpy, 2025 jylǵa deıin bıýdjettik nesıelendirý aıasynda 295 vagondy jańartý josparlanyp otyr. Budan basqa, osy jyldyń sońyna deıin 252 vagonnyń sanıtarlyq toraptaryn jańartý josparlanǵan. Búginde 215 vagonnyń sanıtarlyq toraby jańartyldy», - dedi Beıbit Atamqulov.