Halyqtyń turmysy jaqsarsa, birligimiz bekemdele túsedi - Shalataı Myrzahmetov

TÚRKІSTAN. QazAqparat - Túrkistandyq eńbek ardageri Shalataı Myrzahmetov «Nur Otan» partııasynyń kezekti XVIII sezi elimizdiń qoǵamdyq-saıası ómirindegi betburysty oqıǵaǵa aınalǵanyn aıtty, dep habarlaıdy QazAqparat tilshisi.

Endigi jerde memlekettiń barlyq kúsh-qýaty halyqtyń turmysyn jaqsartýǵa baǵyttalatyny, respýblıkalyq bıýdjettiń 45 paıyzy áleýmettik máselelerge arnalatyny kóńil qýantady, - deıdi eńbek ardageri.

«Máselen, múgedek balalar asyrap otyrǵan ata-analarǵa beriletin járdemaqy mólsheriniń 30 paıyzǵa kóbeıtilýi sonyń aıǵaǵy. Memleket basshysy bılik júrgizip jatqan reformalardyń oń nátıjesin qazaqstandyqtar búginnen bastap sezinýi tıis ekenin atap ótti. Halyqtyń turmys sapasyn jaqsartýda mańyzdy mindetterdiń biri - densaýlyq saqtaý salasy. N.Nazarbaev otandyq medıtsınany damytýǵa qosymsha 120 mıllıard teńge jumsalatynyn jetkizdi. Ult Kóshbasshysy halyqtyń ál-aýqatyn jaqsartyp, az qamtamasyz etilgen jáne kópbalaly otbasylardyń múddesin qorǵaýǵa baǵyttalǵan kóptegen sharalardy kórsetip berdi. Endi jańadan jasaqtalǵan Úkimet pen jergilikti bılik osy isterdiń ýaqtyly ári tolyq oryndalýyn qamtamasyz etýi tıis».

Sondaı-aq, Parlament Májilisiniń burynǵy depýtaty qysqa merzimde qazaqstandyqtardyń ál-aýqaty ósip, tabys pen turmys sapasyn jaqsara túsedi degen pikirde. Tek Elbasy qoıyp otyrǵan osynaý mindetterdiń údesinen shyǵa bilý úshin eń aldymen halyqtyń yntymaǵy men birligin saqtaý qajet.