Halyqtyń tabysyn arttyrý baǵdarlamasyna 197 mlrd teńge jumsalady

NUR-SULTAN. QazAqparat – 2025 jylǵa deıin halyqtyń tabysyn arttyrý baǵdarlamasyna 197 mlrd teńge jumsalady. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Barlyǵy belgilengen. 2025 jylǵa deıin halyqtyń tabysyn arttyrý baǵdarlamasyna 197 mlrd teńge baǵyttalǵan», - dedi Úkimet basshysynyń orynbasary «2025 jylǵa deıin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes barysynda BAQ ókilderiniń saýalyna oraı.

Aıta keteıik, osy jyldyń naýryz aıynda el Úkimeti qabyldaǵan 2025 jylǵa deıin halyqtyń tabysyn arttyrý baǵdarlamasy aıasynda Eńbek jáne halyqty áleýmettik qorǵaý mınıstrligi jańa jumys oryndaryn qurý, halyqty jumyspen qamtýǵa járdemdesý, eńbek resýrstarynyń daǵdylaryn jetildirý jáne jastardy kásiptik baǵdarlaý boıynsha 3 negizgi baǵytta jumys júrgizedi.

Mejeli jylǵa deıin elimizde 2 mln jumys orny qurylady.