Halyqtyń saılaýdaǵy belsendiligi artty - Muhtar Mankeev

NUR-SULTAN. QazAqparat - Bıylǵy daýys berýshilerdiń belsendiligi ótken saılaýlarmen salystyrǵanda joǵary. Bul týraly «Qazaqstan - 2050» Jalpyulttyq qozǵalysy keńesiniń tóraǵasy Muhtar Mankeev aıtty, dep habarlaıdy QazAqparat.

«Men búgin saılaýǵa erterek, tańǵy 8-de bardym. Halyq az bolatyn shyǵar dep oıladym, biraq saılaýshylardyń qarasy kóp boldy. Bul meni tań qaldyrdy jáne saılaýshylar arasynda 30-45 jastaǵy turǵyndar otbasymen jıi kezdesti. Osy kórinisimen aq bıylǵy saılaý burynǵylardan ózgeshe bolyp otyr. Baıaǵyda saılaý ýchaskesine tań atysymen zeınetkerler barady dep oılaıtynbyz. Qazir halyqtyń saılaý belsendiliginiń artqanyn baıqaýǵa bolady. Saılaýshylardyń ózara dıalogy da qyzyqty, pozıtıvti, syndarly bolyp kórindi. Saılaýshylar ózi úshin durys tańdaý jasady dep oılaımyn. Jalpy alǵanda, halyqtyń basym bóligi búgin saılaýǵa qatysady dep oılaımyn», - dedi M. Mankeev.

Onyń pikirinshe, daýys berý quqyǵy bar turǵyndardyń 80% daýys beredi.