Halyqtyń reformalardyń nátıjesin sezingeni mańyzdy – Erkin Tuqymov
«Prezıdenttiń ákimdermen, Úkimetpen mundaı keńesti jıi ótkizýi qalypty, jumys barysyndaǵy dúnıe. Degenmen, Prezıdenttiń ne aıtqany qyzyqty ekeni sózsiz. Al onyń aıtqan dúnıelerinen biz ózge saıası jáne áleýmettik shynaılyqta ómir súrip jatqanymyzdy bári birdeı túsine qoımaǵanyn, áli de bolsa eski Qazaqstanda, eskirgen ádistermen áreket jasaıtyndyǵyn baıqaýǵa bolady. Sondyqtan Prezıdent ózgerý kerektigin, basqasha jumys isteý qajettigin, bulaı ómir súrýge bolmaıtyndyǵyn aıtyp otyr. Bul rette eskertkishter jaıynda aıtyp otyrmyn. Olar qandaı da bir jekelegen óńirge emes, búkil elge zııanyn tıgizedi. Bólingenimiz, óńirlik, shet aımaqtyq tarıh jasaǵanmyz jeter. Munyń ústine ol orynsyz da», - dedi Erkin Tuqymov QazAqparat tilshisine.
Sonymen qatar ol jańa Parlament qýatty saıası ınstıtýtqa aınalýy tıistigin basa aıtty.
«Qazirgi ýaqytta oǵan degen úlken úmitimiz bar. Prezıdent te ákimderge bul jaıynda beker aıtqan joq. Óıtkeni, óńirlerde parlamenttik saılaý ótýi tıis jáne eshqandaı burmalaýshylyq bolmaýy kerek. Barlyǵy ádil ári ashyq ótýi qajet. Biz tek parlamenttik qana emes, sonymen birge máslıhattardyń da saılaýyn ótkizýimiz kerek. Bul da mańyzdy saıası ınstıtýt», - dedi ol.
Erkin Tuqymov saılaýdan keıin Memleket basshysy usynýdy josparlap otyrǵan bastamalarǵa qatysty da oıymen bólisti.
«Kelesi bastamalar ekonomıkalyq salada bolýy qajet dep sanaımyn. Qazirgi ýaqytta adamdardyń júzege asyrylyp jatqan reformalardyń nátıjelerin sezinýi mańyzdy. Ekinshi jaǵynan Prezıdent saıası mádenıet qajet ekkendigin naqty atap ótti», - dedi ınstıtýt basshysy.