Halyqtyń ómirin jaqsartýǵa umtylǵan azamattar kóp – praımerız qatysýshysy

ALMATY. QazAqparat – Almatyda praımerız qatysýshysy, «ıA Almatınets» birlestiginiń jetekshisi Konstantın Avershın qala turǵyndarynyń ómirin jaqsartýdyń basym tustaryn aıtty, dep habarlaıdy QazAqparat tilshisi.

«Ókilettik organda jumys isteýdiń arqasynda adamdardyń ómirine júıeli ózgeris engizýge bolady. Olar jaıly ortada ómir súrýge quqyly. Olar ózderiniń salyǵynan tólenip jatqan jumystardyń sapaly bolýyn talap etýge quqyly. Sapaly medıtsına, sapaly bilim alyp, sapaly joldarda júrýge quqyǵy bar», - dedi ol.

Úmitkerdiń aıtýynsha, barlyq qatysýshylar praımerız kezeńderinen ótti.

«Jaqynda praımerız nátıjesi shyǵady. Bizdiń bir baıqaǵanymyz, halyqtyń ómirin jaqsartýǵa umtylǵan azamattar kóp eken», - dedi ol.