Halyqtyń medıtsınalyq qyzmetterdiń sapasyna qatysty shaǵymdarynyń 70 paıyzy túsinispeýshilikten týyndaıdy - zertteý
Bul týraly búgin QR Densaýlyq saqtaý mınıstrligi ókilderiniń qatysýymen «Medıtsınalyq uıymdardaǵy ishki aýdıt qyzmetiniń jumysyn jetildirý» taqyrybynda ótken jumys tobynyń otyrysynda «Ardager» qoǵamdyq birlestiginiń sarapshysy Dmıtrıı Trıshkevıch málim etti.
Halyqtyń medıtsınalyq qyzmetterdiń sapasyna baılanysty jazǵan aryz-shaǵymdarynyń sebepterin zertteýge baǵyttalǵan arnaıy áleýmettik joba aıasynda «Ardager» qoǵamdyq birlestigi Astana, Almaty qalalarynda, sonymen qatar Shyǵys Qazaqstan, Ońtústik Qazaqstan, Soltústik Qazaqstan jáne Qaraǵandy oblystarynda naýqastarmen saýalnama júrgizdi.
«Dárigerler, medıtsınalyq uıymdar emdelýshilerdiń pikirlerin eskerýi tıis. QR Densaýlyq saqtaý mınıstrligi bul jumysty áldeqaıda bastap ketken. Іshki aýdıt qyzmeti qurylyp, mınıstrdiń ǵalamtorda jeke blogy ashylyp jatyr. Sebebi zertteý barysynda anyqtalǵanyndaı, aryz-shaǵymdardyń shamamen 70 paıyzǵa jýyǵy túsinispeýshilikten týyndaıdy eken. Sondyqtan naýqastar men dárigerler arasyndaǵy meılinshe ashyq dıalogtyń mańyzdylyǵy joǵary», - dedi ol.
Onyń aıtýynsha, azamattardyń narazylyǵy negizinen kezekterde kóp kútip qalǵanynan, qujattardy durys rásimdeı almaýynan bolady. Keıin olar jalpy medıtsınalyq qyzmettiń sapasyz bolǵany jóninde aıtyp, aryzdanady.
«Kóp másele menedjmentke táýeldi. Medıtsınalyq uıymdardyń naýqastardy kútip alyp, shyǵaryp salýyna qarap, azamattardyń pikiri qalyptasady», - dep atap ótti D.Trıshkevıch.