Halyqtyń kókeıinde júrgen suraqtarǵa jaýap aıtyldy – Erlan Saıyrov Prezıdent úndeýi týraly

NUR-SULTAN. QazAqparat – Ulttyq qoǵamdyq senim keńesiniń múshesi, saıasattanýshy Erlan Saıyrov Memleket basshysynyń elimizdegi ahýalǵa baılanysty úndeýine pikir bildirdi, dep habarlaıdy QazAqparat tilshisi.

«Búgingi sózinde Memleket basshysy pandemııaǵa qarsy kúres jónindegi kóptegen máselelerdi qamtydy. Meniń oıymsha, halyqtyń kókeıinde júrgen, halyqtyń basym kópshiligi qoıyp otyrǵan suraqtarǵa jaýap aıtyldy», - deıdi saıasattanýshy.

Sonymen birge spıker Qazaqstanda pandemııaǵa qarsy kúrestiń úsh aspektisi bar ekenin atap ótti.

«Birinshi aspekt – azamattardyń árqaısysynyń jeke tártibi. Eger karantınde bolyp, óz taǵdyrymyz ózimizge baılanysty ekenin sezinbeıtin bolsaq, pandemııany jeńý múmkin emes. Ekinshi aspekt – halyqtyń basym kópshiligi aýyryp, qıyn jaǵdaıda qaldy. Olarǵa dári-dármek, psıhologııalyq kómek qajet. Meniń oıymsha, dári-dármekpen jáne psıhologııalyq kómektiń jan-jaqty aspektileri qarastyryldy. Sonymen birge, qazirgi ýaqytta koronavırýs ınfektsııasynan adamdardyń qaıtys bolýy – úlken tragedııa. Osyǵan baılanysty, 13 shilde Aza tutý kúni dep jarııalandy. Eger osy aıtylǵan máselelerdiń barlyǵy júzege asatyn bolsa, pandemııaǵa qarsy kúrestiń jańa kórinisi ashyldy dep aıtýǵa barlyq negiz bar», - dedi E. Saıyrov.

Aıta keteıik, búgin QR Prezıdenti Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeý jasady. Prezıdent 13 shildeni Ulttyq aza tutý kúni dep jarııalady.