Halyqtyń beıbitshiligi men tynyshtyǵy - Qazaqstan halqy Assambleıasy jumysynyń nátıjesi - H.Maslov
Búginde ulysaralyq beıbitshilik pen kelisimniń qazaqstandyq úlgisi elimizdiń tólqujatyna aınaldy. Bul respýblıkamyzǵa mádenıetter jaqyndaýynyń onjyldyǵyn ótkizýge bastamashy bolýǵa múmkindik berdi.
Halyq birligi - memlekettiń damý jolynda alǵa qoıǵan maqsattaryna jetýge turaqty qozǵalysty saqtap turatyn basty faktor.
Sonymen qatar, 2010 jyly Qazaqstan halqy Assambleıasynyń bastamasymen Halyq birligi doktrınasyna aınalǵan ulttyq ıdeıa da biriktirýshi qyzmet atqarady. Ol basty úsh prıntsıpke negizdelgen. Birinshi prıntsıp - «Bir el - bir taǵdyr», árbir azamat pen onyń Otany - Qazaqstan Respýblıkasynyń taǵdyrynyń birtutastyǵyn túsinýge negizdelgen. Bizdiń ulttyq birligimiz, etnıkalyq shyǵý tegimizge qaramastan, ózimizdi Qazaqstanmen jáne onyń bolashaǵymen baılanystyrýǵa negizdeledi.
Doktrınanyń ekinshi prıntsıpi - «Ár túrli tekten shyǵý - teń múmkindikter» - barlyq azamattardyń etnıkalyq shyǵý tegine, senimine jáne áleýmettik jaǵdaıyna qaramastan múmkindikteri birdeı ekenin bildiredi.
Úshinshi prıntsıp «Ulttyq rýhtyń damýy» - qazirgi zamanda álemde bizdiń birligimizdi berik qylatyn, qoǵamnyń rýhanı negizi bolyp tabylatyn ulttyq qundylyqtarǵa (til men mádenıetti qurmetteý, otbasy, urpaqtar baılanysy, otansúıgishtik pen toleranttylyq) súıenýdiń qajettigine nazar aýdarady.
Qazaqstan halqy Assambleıasy jyly aıasynda L.N.Gýmılev atyndaǵy Eýrazııa ulttyq ýnıversıtetiniń kafedrasynda kóptegen is-sharalar ótkizý josparlanǵan. Qazaqstan Respýblıkasy Parlamenti Májilisiniń depýtattary, QHA depýtattyq tobynyń músheleri Jumataı Álıev jáne ıÝrıı Tımoşenko, Qazaqstan Respýblıkasy Parlamenti Senatynyń depýtaty, Qazaqstan Respýblıkasynyń Halyq qaharmany, armııa generaly Muhtar Altynbaev jáne taǵy basqa kórnekti qoǵam qaıratkerleriniń dáristeri uıymdastyrylady.
Assambleıanyń mereıtoıy elimizdegi birlik pen kelisimdi saqtaý úshin atalmysh qoǵamdyq ınstıtýttyń zor áleýetin paıdalanýǵa jáne jańa maqsattardy aıqyndaýǵa biregeı múmkindik beredi.