Halyqtyń azyq-túlik ónimderine shyǵysy artty – Natalıa Godýnova

ASTANA. QazAqparat - QR Joǵary aýdıtorlyq palatasynyń tóraǵasy Natalıa Godýnova 2022 jylǵy respýblıkalyq bıýdjettiń atqarylýyna qatysty pikir bildirdi, dep habarlaıdy QazAqparat tilshisi.

«Biz ortalyq memlekettik organdardyń, mınıstrlikterdiń halyqtyń ómir súrý sapasyna qatysty ulttyq jobalardy júzege asyrý boıynsha jumysyn taldap shyqtyq. Tutyný sebeti sapasynyń ózgerýi ońtaıly emes. Halyqtyń azyq-túlik ónimderine jumsaıtyn shyǵysy artty», - dedi N. Godýnova.

Onyń aıtýynsha, eń tómengi tabysy bar adamdar sany birshama kóbeıdi. Qazirgi kezde bul kórsetkish jalpy halyq sanynyń shamamen 10% qurady.

«Ósim 0,24% pýnkt deńgeıinde boldy. Turǵyn úı satyp alý baǵytynda halyqtyń qarajat jınaqtaý múmkindigi tómen. Otandyq óndiris tolyq qamtamasyz etip otyrǵan áleýmettik mańyzy bar azyq-túlik taýarlary jaıynda atap ótken jón. ıAǵnı, 29 negizgi azyq-túlik taýarynyń tek 12-si ǵana óz elimizde tolyqtaı óndirilip jatyr. Taǵy 11-i boıynsha 80 paıyzdan astam jáne altaýy 80 paıyzdan az deńgeıde óndiriledi», - dedi Joǵary aýdıtorlyq palata basshysy.

«Densaýlyq saqtaý salasyna jeke shyǵyndardyń deńgeıi 30 paıyzdan asty. Bul kórsetkish áli de kóp dep sanaımyz. Sebebi densaýlyq saqtaý salasyna respýblıkalyq bıýdjetten jáne MÁMS júıesinen baǵyttalǵan shyǵystar ósip jatyr», - dedi N. Godýnova.

Sonymen qatar ol halyqtyń kásipkerlikke qatysy joq nesıeleriniń úlesi artyp jatqanyn jetkizdi.

Budan buryn habarlanǵandaı, búgin Májiliste E. Jamaýbaev byltyr Respýblıkalyq bıýdjet kiristeri 101,9% atqarylǵanyn aıtty.

Qarjy mınıstri byltyr bıýdjet qarajaty ne sebepti ıgerilmegenin túsindirdi.