Halyqtyń 71,3 paıyzy Elbasy Joldaýynan habardar - «Nur Otan» partııasy

ASTANA. QazAqparat - «Nur Otan» partııasynyń Saıası taldaý jáne strategııalyq zertteý ortalyǵynyń saýalnamasyna sáıkes, qazirgi tańda Qazaqstandaǵy halyqtyń 71,3 paıyzy Elbasy Joldaýynan habardar. Bul týraly Astanada «Qazaqstandyqtardyń áleýmettik kóńil-kúıi: 2017 jyldyń qorytyndysy» taqyrybynda ótken baspasóz máslıhatynda atalǵan ortalyqtyń dırektory ıÝlııa Kýchınskaıa málim etti, dep habarlaıdy «QazAqparat» HAA tilshisi.

«Qazaqstan Prezıdenti Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy damýdyń jańa múmkindikterine jol ashyp otyr. Ortalyq qyzmetkerleriniń demalys kúnderi ótkizgen blıts-suraýynyń nátıjesi boıynsha halyqtyń 71,3 paıyzy Elbasy Joldaýynan habardar ekenin kórsetip otyr. Endigi bizdiń maqsat - Elbasy Joldaýynyń mazmunyn halyqqa keńinen túsindirý. Osy rette bizge halyqtyń áleýmettik kóńil-kúıin bilýdiń mańyzy asa zor», - deıdi ıÝlııa Kýchınskaıa.

Saýalnamaǵa qatysýshylardyń pikiri boıynsha, sońǵy úsh aıdyń ishinde qazaqstandyqtardyń ómirinde jaǵymsyz oqıǵalardan góri, jaǵymdy oqıǵalar 5,2 paıyzǵa artqan. Bul qoǵamdyq kóńil-kúıdiń jalpy kórinisinen habar beredi. Saýalnama respýblıka aýmaǵy boıynsha 1 600 respondent pen demokratııalyq kúshter koalıtsııasynyń sarapshylary arasynda ótken.

«Ótken jyldyń sońǵy toqsanynda turǵyndardyń kóńil-kúıine eń kóp áser  qaldyrǵan, ol eldiń áleýmettik-ekonomıkalyq ahýalynyń belgili bir jaǵdaıda jaqsarýy, «EKSPO-2017» halyqaralyq kórmesiniń sátti ótkizilý atmosferasy, Tuńǵysh Prezıdent kúni men Táýelsizdik kúni merekeleriniń atalyp ótýi, sonymen birge, Qazaqstannyń tıimdi ári vektorly syrtqy saıasaty», - deıdi ıÝlııa Kýchınskaıa.

Eske sala ketsek, Qazaqstan Prezıdenti Nursultan Nazarbaevtyń 10 qańtar kúni «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýy jarııalanǵan bolatyn. Prezıdent óz Joldaýynda el aldyndaǵy 10 mindetti ataǵan edi.