«Halyqtyq dıplomatııa» Qazaqstan men Pákistan qarym-qatynasynyń damýyna yqpal etedi

ISLAMABAD. QazAqparat - Pákistanǵa Qazaqstan Respýblıkasynyń delegatsııasy keldi. Delegatsııa quramynda Qazaqstan strategııalyq zertteýler ınstıtýty, L.N.Gýmılev atyndaǵy Eýrazııa ulttyq ýnıversıteti, Ál-Farabı atyndaǵy QazUÝ jáne birqatar BAQ ókilderi bar.

«QazAqparat» HAA tilshisi habarlaǵandaı, búgin tanysý maqsatynda qazaqstandyq jazýshylar Pákistan Jazýshylar odaǵyna baryp, osy mekemeniń aktıvimen kezdesý ótkizdi.

Delegatsııany akademııa basshysy Mohammed Kasım Býgheo qarsy alyp, vedomstvonyń qyzmeti men mindetti týraly qysqasha aıtyp ótti.

Óz kezeginde, qazaqstandyq delegatsııa basshysy tanymal jazýshy Baqytqoja Rústemov Qazaqstan ádebıeti men pýblıtsıstıkasynyń jaǵdaıy týraly baıandady. Taraptar eki el arasyndaǵy mádenı-gýmanıtarlyq yntymaqtastyq boıynsha pikir almasty. Qazaqstan-Pákistan qarym-qatynasyndaǵy «halyqtyq dıplomatııanyń» róli atalyp ótti.

Kezdesý sońynda qazaqstandyq tarap Pákistan Jazýshylar odaǵyna QR Prezıdenti Nursultan Nazarbaevtyń aǵylshyn tilindegi «Leadership perspectives» kitabyn tartý etti.