Halyqty jumyspen qamtý ortalyǵy Eńbek utqyrlyǵy ortalyǵy bolyp qaıta qurylmaq

ASTANA. QazAqparat – Eńbek mınıstrligi «Jumys kúshiniń utqyrlyǵyn arttyrý úshin adamdardyń erikti túrde qonys aýdarý qaǵıdalaryn bekitý týraly» buıryǵyna ózgerister engizbek, dep habarlaıdy QazAqparat tilshisi.

«Ashyq» NQA portalynda jarııalanǵan qujatta Halyqty jumyspen qamtý ortalyqtary Eńbek utqyrlyǵy ortalyqtary bolyp qaıta qurylatyny jazylǵan. Sonymen qatar, organnyń qyzmet quzyreti keńeıedi.

«Áleýmettik kodekstiń qabyldaýyna baılanysty jumys nátıjesi boıynsha mamandardy qosymsha yntalandyrý úshin ýHalyqty jumysty qamtý ortalyqtary Eńbek utqyrlyǵy ortalyǵy bolyp qaıta qurylady. Eńbek utqyrlyǵy ortalyǵy - jumyspen qamtýǵa járdemdesý sharalaryn ázirleý jáne iske asyrý maqsatynda oblystyń, respýblıkalyq mańyzy bar qalanyń jáne astananyń jergilikti atqarýshy organy», - delingen qujatta.

Buıryqta kórsetilgendeı, Eńbek utqyrlyǵy ortalyǵynyń aýdan, oblys jáne respýblıkalyq mańyzy bar qalalardaǵy fýnktsııasyn atqaratyn fılıaldary Mansap ortalyǵy bolyp atalady.

Mansap ortalyqtary mynadaı sanattaǵy azamattardy jumyspen qamtıdy:

- jumys izdegen adamdardy;

- jumyssyzdardy;

- jumyspen qamtylǵan adamdardyń jekelegen sanattary jáne olardyń otbasy músheleriniń jańa turǵylyqty jerge erikti túrde qonys aýdarýyna járdemdesedi;

- qandastarǵa kómek kórsetedi.

Aıta keteıik, qoldanystaǵy buıryqtyń talaby boıynsha Halyqty jumyspen qamtý ortalyqtary qandastardy jumyspen qamtý sharalaryn júzege asyrmaıdy.

Qosa ketsek, múgedektigi bar adamdardyń jalaqysyn endi jumyspen qamtý ortalyqtary sýbsıdııalaıdy.