Halyqty kómirmen qamtamasyz etý qalaı júrip jatyr

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi halyqty kómirmen qamtamasyz etý jumystarynyń barysy týraly málim etti, dep habarlaıdy QazAqparat.

«Qyrkúıek aıynyń alǵashqy 10 kúndiginde óńirlerge 329,9 myń tonnaǵa jýyq kómir jóneltildi. Negizgi ekpin soltústik aımaqtarǵa jasalyp otyr, óıtkeni onda jylý berý maýsymy basqa óńirlerge qaraǵanda erterek bastalady.

Tuıyqtarda jáne saýda qoımalarynda kómir qaldyǵy 351,094 myń tonnany quraıdy. Sondaı-aq jaqyn arada vagondardyń kelýi kútiledi», - delingen habarlamada.

Mınıstrlik dereginshe, qyrkúıek aıyna arnalǵan jospar on kúnniń ishinde 30 paıyzǵa oryndalǵan. Aı sońyna deıin mejeli jospardy tolyqtaı júzege asyrý josparlanǵan.

Vedomstvonyń baspasóz qyzmetinen málim etkendeı, búginde óńirlerge áleýmettik kómir jetkizetin vagon parki qosymsha tolyqtyrylyp jatyr.

Buǵan deıin habarlaǵanymyzdaı, elimizde 2022-2023 jyldarǵa kómirge degen qajettilik shamamen 9,6 mln tonnany quraıdy. Onyń ishinde kommýnaldyq-turmystyq sektorǵa – 2,6 mln tonna, turǵyndar úshin – 7 mln tonna.