Halyqty «aıyppul» degen sóz qorqytqan shyǵar - Abaev ýaqytsha tirkeý týraly

ASTANA. QazAqparat - Aqparat jəne kommýnıkatsııalar mınıstri Dəýren Abaevtyń aıtýynsha, ýaqytsha tirkeýge qatysty halyq arasyndaǵy ajıotaj «aıyppul» degen sózben baılanysty bolýy múmkin. 

Mınıstrdiń aıtýynsha, tıisti zań əzirlengen kezde jəne ony qabyldar kezde, aqparattyq habarlandyrý bolǵan, dep habarlaıdy QazAqparat.

«Zań talqylanǵan kezdegi jəne qabyldanǵan kezdegi aqparattyq jumystarǵa toqtalsaq, biz ІІM, úkimettik emes uıymdardy qosa alǵanda, kerek alańnyń bərin jasadyq. Sizderge sol sharalardyń stenogrammasyn da usyna alamyn»,-dedi D.Abaev.

Bul rette Aqparat mınıstri halyq arasynda aqparattyń  azdyǵy emes, «aıyppul» degen sóz ajıotaj týdyrýy múmkin degen oıyn aıtty.

«Halyq arasynda dúrbeleń týǵany basqa suraq. Bəlkim, halyq «aıyppul» degen sózge kóp nazar salǵan shyǵar. Buny moıyndaý kerek. Bəlkim, halyq kórshisiniń «polıtsııa kelip, aıyppul salyp ketti» degen sózine kóp senetin shyǵar»,-deıdi D.Abaev.