Halyqty áleýmettik qoldaýdy kúsheıtý úshin barlyq tıimsiz shyǵystar qysqartylady
«Mańyzdy mindetterdiń biri – bıýdjettiń jáne Ulttyq qordyń qarajatyn paıdalanýdyń tıimdiligin arttyrý. Osyǵan baılanysty Ulttyq bankpen birlesip jyldyń sońyna deıin Ulttyq qordy ınvestıtsııalaý jáne paıdalaný sapasyn arttyrý jóninde naqty usynystar ázirlenedi. Halyqty áleýmettik qoldaýdy kúsheıtý úshin barlyq tıimsiz shyǵystardy qysqartý jáne bıýdjet kiristerin arttyrý esebinen budan ári rezervter izdestiriledi», - dedi ol búgin Memleket basshysynyń Qazaqstan halqyna Joldaýyn talqylaýǵa arnalǵan Úkimet otyrysynda.
Sonymen qatar ol Qarjy mınıstrligi kedendik ákimshilendirýdi jaqsartý jáne kúsheıtý jónindegi keshendi jumysty jalǵastyratyndyǵyn aıtty.
«Memlekettik satyp alý júıesi budan ári jetildiriledi. Tıisti zań jobasy ázirlendi. Ol adal básekelestikti yntalandyrýǵa, sybaılas jemqorlyq táýekelderin tómendetýge, sondaı-aq taýarlardyń, jumystardyń, kórsetiletin qyzmetterdiń sapasyn jáne ónim berýshilerdiń biliktiligin arttyrýǵa baǵyttalǵan», - dedi Úkimet basshysynyń birinshi orynbasary.
Á.Smaıylovtyń aıtýynsha, atalǵan sharalardyń barlyǵy bıýdjetke qosymsha tabys alýǵa múmkindik beredi.