Halyqpen baılanys arnalarynyń jumysyna monıtorıng júrgiziledi

NUR-SULTAN. QazAqparat – Aıda Balaeva «Halyq únine qulaq asatyn memleket» tujyrymdamasyn júzege asyrýda ózi jetekshilik etip otyrǵan Aqparat jáne qoǵamdyq damý mınıstrliginiń jumystaǵy basymdyqtaryn atady, dep habarlaıdy QazAqparat tilshisi.

«Bul baǵytta halyqpen kommýnıkatsııa jasaıtyn arnalardyń jumys sapasyna júıeli monıtorıng pen taldaý júrgiziledi. BAQ-tan, úkimettik emes uıymdar men halyqtan túsetin suranys pen ótinishterge ýaqtyly jaýap beriledi. Sonymen birge memlekettik organdar jumysynyń aqparattyq belsendiligin arttyrý kózdeledi», - dedi Aıda Balaeva OKQ alańy arqyly halyqqa esep berý kezdesýinde.

Mınıstr sondaı-aq ultaralyq qarym-qatynas salasynda aımaqtarda zertteý jumystary, analıtıkalyq jáne boljaý jumystary kúsheıtiletinin jetkizdi.

Sondaı-aq ultaralyq qaqtyǵys qaýpiniń aldyn alý jáne eskertý jumystary júıelendirilmek.