Halyqqa jasaıtyn eń basty jaqsylyǵymyz - jumyspen qamtamasyz etý - Nazarbaev
Memleket basshysy óz sózinde jappaı kásipkerlikti yntalandyrý jáne jumyspen qamtamasyz etý» jaıyna basa kóńil aýdardy. «Aqparat quraldarynda da jarııalandy. Men árbir oblysqa barǵanymda eń birinshi maǵan jasaıtyn baıandama qansha jumys orny qurylǵandyǵy jaıynda bolýy kerek. Ár aýdan men aýyldardyń arasynda kim qansha jumys ornyn qurǵandyǵy jóninen báseke bolýy kerek. Bizdiń halyqa jasaıtyn eń jaqsylyǵymyz sol. Basqasyn óz qolymen jumys istep, qarajatyn taýyp, bala-shaǵasyn asyraýy kerek»,- dep atap ótti QR Prezıdenti.
Osy rette Memleket basshysy jappaı kásipkerlikti damytý máselesi eń negizgi basymdyqtyń biri bolyp qala beretindigin basa aıtty.
«6 jyldan astam ýaqyttan beri «Bıznestiń jol kartasy - 2020» baǵdarlamasy jumys istep tur. Muny bilesizder. Onyń aıasynda ondaǵan myń shaǵyn jáne orta bıznes 270 mlrd. teńge somasyna qoldaýǵa ıe boldy. Kelesi baǵdarlama - "Jumyspen qamtýdyń jol kartasy" júzege asyrylýda. 5 jyldyń ishinde oǵan 450 mlrd. teńge, onyń ishinde aǵymdaǵy jylda ǵana 218 mlrd. teńge bólindi», - dedi N.Nazarbaev.
QR Prezıdentiniń málimetterinshe, búgingi kúni atalǵan baǵdarlamalardyń arqasynda 722 myń adam jumysqa ornalassa, onyń ishinde 518 myń adam turaqty jumys tapty.
«Bizge bul baǵdarlamalardy odan ary damytý, qoldaý tetikterin jetildirý qajet», - dedi Memleket basshysy.