Halyqqa tegin qyzmet kórsetken medıtsına uıymdaryna 599,3 mlrd teńge tólendi
«7 qarashadaǵy málimet boıynsha, Qormen kelisimshart bekitken jetkizýshi kompanııalarǵa 599,3 mlrd teńge tólendi. Bul jalpy kepildendirilgen tegin medıtsınalyq kómek paketi sheńberinde bekitilgen kelisimshart somasynyń 76 paıyzy», - deıdi MSQ basqarma tóraǵasynyń mindetin atqarýshy Botagóz Jaqselekova.
Esterińizge sala ketsek, medıtsınalyq saqtandyrý qory tegin medıtsınalyq kómek paketi T jáne mindetti áleýmettik medıtsınalyq saqtandyrý paketteriniń qarjylyq operatory bolyp tabylady. Qor emdeý mekemelerimen memlekettik tapsyrys boıynsha halyqqa tegin kómek kórsetý jóninde kelisimsharttar bekitken bolatyn. Bekitilgen kelisimsharttardyń jalpy somasy 785,8 mlrd teńge.
«Jumys kestege saı júrip jatyr. Bólingen qarajat medıtsına mekemeleriniń operatsııalyq shyǵyndaryn óteýge jetkilikti», - dedi B.Jaqselekova.
Aıta ketsek, Qor memlekettik tapsyrys boıynsha 1374 medıtsına uıymymen kelisimshart bekitken. Onyń 638-i - jeke menshik. Bıyl jeke klınıkalar sany 2017 jylmen salystyrǵanda 177-ge artqan. Al, olarmen bekitilgen kelisimshart somasy 2 ese ósip, 125,1 mlrd teńgeni qurady.