Halyqqa satylatyn «QazMunaıGaz» aktsııasynyń baǵasy qansha

ASTANA. QazAqparat – «QazMunaıGaz» Ulttyq kompanııasy» Aktsıonerlik qoǵamynyń 5 paıyz aktsııasy satylymǵa shyǵarady. Bul týraly brıfıngide «Samuryq-Qazyna» AQ basqarma tóraǵasy Almasadam Sátqalıev málim etti, dep habarlaıdy QazAqparat tilshisi.

«Samuryq-Qazyna» qoryna «QazMunaıGaz» aktsıonerlik qoǵamynyń 90,42 paıyz aktsııasy tıesili. Osy oraıda qor «QazMunaıGazdyń» 30 505 974 jaı aktsııalaryn satýǵa nıetti. Bul jalpy shyǵarylǵan jáne ornalastyrylǵan aktsııalardyń shamamen 5 paıyzyn quraıdy. Osylaısha, «Samuryq-Qazyna» qoryna «QazMunaıGaz» aktsıonerlik qoǵamynyń kem degende 85 paıyzy tıesili bolady. 5,1 trln teńge kólemindegi kapıtal qunyn eskere otyryp, usynys sheńberindegi bir jaı aktsııanyń baǵasy shamamen 8 406 teńge bolady», - dedi Almasadam Sátqalıev.

Onyń aıtýynsha, aktsııalardy satyp alýǵa nıetti ınstıtýtsıonaldyq ınvestorlardan ótinim qabyldaý 9-30 qarasha aralyǵynda júrgiziledi. Al bólshek ınvestorlardyń ótinimi 2 jeltoqsanǵa deıin qabyldanady.

Almasadam Sátqalıevtiń málimetinshe, mundaı bastamany Premer-Mınıstr tóraǵalyq etetin ekonomıkany modernızatsııalaý jónindegi memlekettik komıssııa usynǵan.