Halyqqa qyzmet kórsetý ortalyqtarynda kezek azaımaı tur – Ádil Qojyqov

NUR-SULTAN. QazAqparat – Elimizdiń halyqqa qyzmet kórsetý ortalyqtarynda qyzmet alýǵa kelýshilerdiń qarasy azaımaı tur. Máseleniń mán-jaıy týraly «Azamattarǵa arnalǵan úkimet» memlekettik korporatsııasynyń basqarma tóraǵasy Ádil Qojyqov aıtyp berdi, dep habarlaıdy QazAqparat tilshisi.

«Ótken jyly pandemııaǵa baılanysty HQKO (Halyqqa qyzmet kórsetý ortalyǵy) men front-keńselerdiń jumys ýaqytyn qysqartyp, tipti onlaınǵa aýystyrdyq. Halyqtyń Elektrondy Úkimet portaly, Call ortalyqqa habarlasý jáne bizdiń mamandarmen beınebaılanys arqyly qyzmet alý múmkindigi boldy. Jaı ýaqytta elimiz boıynsha kúnine HQKO-na 70 myń adam kelip-ketedi. Osy tusta bizdiń maqsat – halyqtyń kelýin azaıtyp, qyzmetti onlaın túrde qoljetimdi etý. Sondaı-aq, klıentterge yńlaıly bolýy úshin front-keńselerden óz-ózine qyzmet kórsetý buryshynda ashyp qoıdyq. Árıne keńes qajet bolsa bizdiń mamandar qol ushyn sozýǵa ázir. Bizge kelýshilerge qyzmet alýdy bir ret kórsetip odan ári kelýdiń qajeti joqtyǵyn túsindirip jatyrmyz. Degenmen HQKO-ǵy kezek azaımaı tur», - dedi Ádil Qojyqov QR Sybaılas jemqorlyqqa qarsy is-qımyl agenttiginde ótken Antikor Live jobasynyń efırinde.

Onyń sózinshe, búginde kóp qyzmetti onlaın alýǵa bolady.

Buǵan deıin korporatsııa basshysy qazaqstandyqtardyń qaǵazbastylyqtan arylatynyn aıtyp sendirdi.